Ukukhuluphala ngokweqile kwabantu kulahlekisela izwe ngo-R700bn ngonyaka - Ucwaningo

2017-10-14 15:02

Johannesburg – Ukukhuluphala ngokweqile kwabantu eNingizimu Afrika kuwulahlekisela ngemali elinganiselwa ku-R700bn ngonyaka umnotho wezwe, kusho ucwaningo.

Ngokombiko weDiscovery Vitality OBEcity Index ka-2017, eyethula imibono ngesisindo somuntu kanye nomkhuba wokuthengwa kokudla ngamalungu eVitality emadolobheni akuleli ayisithupha, kuvele ukuthi ukukhuluphala ngokweqile akuthikamezi kuphela abantu ngabodwana, kepha nomnotho nawo uyazwela.

Lolu cwaningo lwenziwe emadolobheni okubalwa iGoli, iPitoli, iKapa, iTheku, iBloemfontein nePort Elizabeth.

Ukukhuluphala ngokweqile kwabantu kulahlekisela umnotho womhlaba ngo-R16.4trn ngonyaka, okusho ukuthi abantu iNingizimu Afrika yona bayilahlekisela ngo-R701bn.

OLUNYE UDABA: Usencamile owakuleli oxoshelwa ukukhuluphala ngokweqile eNew Zealand

Ukukhuluphala kuba nomthelela ongemuhle okukhiqizeni, nokufakela umnotho wakuleli u-R109bn njalo ngonyaka.

Ukunyuka kwezinga lokulova kwabantu emsebenzini eNingizimu Afrika ngenxa yokugula kulahlekiselwa izwe ngo-R47bn, ngokusho kwalo mbiko.

Uma abantu bekhuluphele kusho ukuthi uhulumeni ungena ajule ephaketheni ukubahlinzeka ngezinsiza ngoba bagula njalo.

Izibalo zitshengisa ukuthi abantu besifazane abakhuluphele ngokweqile bahola imali engaphansi ngo-11% uma kuqhathaniswa nabanesisindo esithathwa njengesamukelekile.

Izinto ezikhuluphalisa kakhulu abantu ukuthengwa kokudla osekuvele kuphekiwe, ukudla ama-noodles kanye nama-snack bars, okukhuphuke ngo-40% phakathi kuka-2005 no-2010,” kusho lo mbiko.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.