UMajoro ufuna ukuqhubeka lapho agcina khona ngemuva kwekhefu

2017-01-25 18:04

Cape Town – Umgadli weCape Town City, uLehlohonolo Majoro, unethemba lokuthi uzoqhubeka nomgqigqo osezingeni eliphezulu abenawo esigabeni sokuqala sesizini njengoba ebuya ekulimaleni.

UMajoro wathola ukulimala ngesikhathi ezakhe zibhekene neqembu ayegijima kulona,iKaizer Chiefs, emdlalweni weligi ngoNovemba owedlule nokwaholela ekutheni aphuthwe yimidlalo emihlanu, okubalwa nomdlalo wamanqamu weTelkom Knockout nalapho leli qembu lashaya khona iSuperSport United.

OLUNYE UDABA: IPirates isikaza ukubuyisa uBenni McCarthy

Lo mdlali oneminyaka engu-30 ubudala usevalele enethini amagoli amathathu kuleli qembu lakhe elisha kanti wonke wawashaya ngoNovemba ngaphambi kokuba alimale.

Ikhefu le-Africa Cup of Nations limsizile lo mdlali owayegijima kumaZulu kanye naku-Orlando Pirates ukuthi akwazi ukululama.

“Kuzwakala kukuhle ukubuya futhi ngiyathandaza ukuthi akukho ukulimala engxenyeni yesibili yesizini ngoba ngifuna okudlala kakhulu. Ngifuna ukuba bukhali njengoba nganginjalo ngaphambi kokulimala,” uMajoro utshele iSoccerLaduma.

Uqhuba uthi ukholwa ukuthi uzohlangana kahle neqembu njengoba nalo belilokhu lenza kahle engxenyeni yokuqala yesizini.

Kuyimanje iCity ingelinye lamaqembu ahamba phambili kuligi njengoba ilandela iSuperSport kanye neBidvest Wits ngenxa yomehluko ngokwesibalo samagoli. 

NEXT ON NEWS24X

AB praises selfless skipper

2010-11-21 18:15

Inside News24

 
Most Read
News In Your Area
Top Lifestyle
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.