UMakhosi Khoza usinqabile isiphakamiso sePhalamende sokumvikela

2017-07-26 19:29

Cape Town – ILungu le-African National Congress ePhalamende, uMakhosi Khoza, usinqabile isiphakamiso sokuvikelwa yiPhalamende, wathi ngeke alindele “ababetheli” bakhe babe nozwelo kuye.

"Ngibethelwa ngoba nakhu angisahambi emgqeni. Angeke ngikwazi ukwamukela inkohlakalo, ukweba, ukungahlonishwa kwabantu abasibeka emandleni kanye nomkhuba okhulayo wokuthi siphathwe ngamasela,” kusho uKhoza esitatimendeni.

UKhoza ubelokhu ethola ukusatshiswa ngokufa cishe izinyanga ezintathu manje kulandela ukuthi ephumele obala wagxeka i-ANC kanye noMengamei wayo, uJacob Zuma.

OLUNYE UDABA: UMakhosi Khoza akazibambi izingcingo zethu - ANC

"Izitatimende zami kula maviki ambalwa edlule ziyisibuko salokhu obekushiwo yizigidi zabantu eNingizimu Afrika sonke lesi sikhathi, besho bethi sekwanele. Ukuma ne-ANC yamanje kuyosho ukulahlekelwa wunembeza.”

"Yingakho nginqume ukungasamukeli isiphakamiso sePhalamende sokunginika amaphoyisa azongiqapha. Zonke lezi zinto ziyaxhumana ngandlela thize. Angeke ngikwazi ukulindela ukuthi ababetheli bami babe nomusa kimi.”

USomlomo wePhalamende uBaleka Mbete noSihlalo weNational Council of Provinces uThandi Modise ngomhlaka-17 kwephezulu bavuma ukusebenzisana namaphoyisa ukuhlinzeka uKhoza ngezokuphepha.

Kwenzeka lokhu nje, i-ANC KwaZulu-Natal ngoLwesithathu isiveze ukuthi uKhoza ubekwe amacala okungaziphathi kahle kanti uzoqondiswa izigwegwe ngoSepthemba.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.