UMalema ucele ukuba nomhlangano ne-ANC

2018-04-22 11:38

Johannesburg - I-ANC ne-EFF bazobamba izingxoxo zokusebenzisana ngemuva kwesicelo sikaJulius Malema.

Engxoxweni abenayo nephephandaba iSunday Times, umholi we-EFF uthe ubhalele i-ANC incwadi ecela ukuba badingide ngezinto eziningi, okubalwa kuzona nokuqanjwa kabusha kwe-Cape Town International Airport.

Iphephandaba ngeledlule libike ukuthi sezike zabakhona izingxoxo ezingatheni ukubheka ukuthi bangasebenzisana yini kwazise akusekho ukungezwani njengaphambilini.

UMalema uthe nakuba bengakaze bakhulume ngokubuyela kwakhe kwi-ANC noma ukuhlangana neqembu elibusayo, ucele ukuba bakhulume ngokusebenzisana.

OLUNYE UDABA: UKlebe benza uphenyo ngoZuma kanye noMahumapelo - Umbiko

UMengameli Cyril Ramaphosa ngesikhathi ethula inkulumo emngcwabeni kaWinnie Madikizela-Mandela wezwakalisa ukuthi uzivulile izandla.

Kwakuyisifiso sikaMadikizela-Mandela ukuba uMalema abuyele kwi-ANC noma i-EFF isebenzisane ne-ANC.

UMalema uthe imibandela eminingi abayibekela i-ANC ngesikhathi bexoxisana nayo ngemuva kokhetho lokuhulumeni basekhaya ngo-2016 isayigcinile. Kodwa ube esekhala kakhulu ngenkohlakalo.

“Inkohlakalo yilona daba olukhulu olusenza sixabane ne-ANC,” esho.

Okhulumela i-ANC uPule Mabe ukuqinisekisile ukuthi i-EFF icele ukubamba umhlangano ne-ANC, wathi ihhovisi likanobhala jikelele lisahlela usuku.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.