UMalema uthi azojeziswa amakhansela e-EFF asize i-ANC kumasipala

2017-07-21 11:01

Johannesburg – Amalungu omkhandlu e-EFF asize i-ANC ukuze iphasise isabelomali kuMasipala waseMogale City, azobhekana nokuqondiswa izigwegwe, umholi waleli qembu, uJulius Malema, usho kanjalo ngoLwesine.

“Sizobajezisa ngokuhambela umhlangano esathi akufanele bawuhambele,” utshele iNews24 engxoxweni.

Ngesonto eledlule, okungenani ayisikhombisa amakhansela e-EFF ahambela umhlangano womkhandlu kumasipala omncane waseWest Rand ase avota ne-ANC ukuze kuphasiswe isabelomali esasibekwe yiMeya entsha, eyikhansela le-ANC, uPatrick Lipudi.

OLUNYE UDABA: I-DA ifuna kusule ‘isicashalala samaGupta’ uGigaba

Ukuvotela i-ANC kusho ukuvotela inkohlakalo, kusho uMalema.

“Asikwazi ukuhlala nabantu lapha bese sicabanga ukuthi sisesivumelwaneni, bese kuthi ngokuhamba kwesikhathi sizobona ukuthi asihambisani ngokwemibono. Lokho kuwukufaka iqembu ehlazweni.”

Uthe alikho ikhansela kulawa angahambisananga nemiyalelo ye-EFF elaphumela obala liphikisana nalo myalelo awunikwa.

UMalema uthi inkinga ayikho mayelana nokuvota ngonembeza, kodwa ukungaziphathi kahle kwabo.

“Ngemuva kwesigcawu sokuqondiswa kwezigwegwe bazobona ukuthi akufuneki ukuthi kukhulunywe enye into bese wena wenza into ebheke eceleni,” usho kanje.

UMalema uthi bebenethemba lokuthi lesi sabelomali besingeke siphasiswe, nobekuzoholela ekutheni kubanjwe kabusha ukhetho kulo masipala.

Kodwa-ke uthi isenzo samakhansela e-EFF sisho ukuthi lokhu sekuzofanele kulinde kuze kube ngunyaka ka-2018. 

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.