UMalema uthi ushone esezojoyina i-EFF uMagaqa we-ANC

2017-09-07 09:31

Pretoria – Ngaphambi kokuba lowo owayengunobhala jikelele we-ANC Youth League (ANCYL) uSindiso Magaqa adutshulwe, umholi we-EFF uJulius Malema wayemthembise isikhundla kwi-EFF.

UMalema, ekhuluma ngemuva komcimbi wokuthweswa kweziqu e-University of South Africa ePitoli, uthe wabamba imihlangano eminingi noMagaqa mayelana neqhaza angalibamba emzabalazweni wenkululeko kwezomnotho.

"Ngaphambi kokuba adutshulwe sabamba imihlangano eminingi sidingida ukuthi ngabe uyafuna yini ukulwela inkululeko yezomnotho nangeqhaza angalibamba ekufezekiseni lokhu,” kusho uMalema.

UMagaqa, 35, ushonele esibhedlela saseThekwini ngoMsombuluko kulandela isigameko sokudutshulwa ngoJulayi 13.

Wayeyikhansela lendawo eMzimkhulu ngesikhathi sesigameko.

OLUNYE UDABA: Balusizi abangani basomatekisi obulewe

"Ngamtshela izikhawu eziningi ukuba akashiye i-ANC azoba ngumgqungquzeli we-EFF ngoba ngangikuqonda ukuthi uyathanda ukusebenzisana nabantu emazingeni aphansi.

"Wavumelana nami, wabe esethi, 'Ngivumele ngihambe ngiyokhuluma nomkami kanye nomama, sesiqedile ngalolu daba, ngiyeza’. Bengisamlindile kanti kuzokwenzeka lokhu.

"Ngabe ngayisindisa impilo yakhe, kwakungumsebenzi wami ukusindisa impilo yakhe.”

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.