UMaNtuli-Zuma uselindele isiphetho ngolwezinsolo zokudlisa uZuma ushevu

2017-08-17 18:28

Cape Town – Unkosikazi kaMengameli Jacob Zuma, uNompumelelo Ntuli-Zuma, okunamanje ungumsolwa ecaleni elimayelana nezinsolo zetulo lokudlisa umyeni wakhe ushevu, ufuna ukuthi lolu daba luphothulwe.

"Uma kukhona okuphathekayo kuleli cala, kulungile, kumele bambeke icala,” kusho ummeli wakhe u-Ulrich Roux etshela iNews24 ngoLwesine.

"Umile kwelokuthi akabandakanyeki kuleli tulo lokuzama ukucoboshisa noma ukubulala umengameli.”

OKlebe baqinisekisile ngoLwesine ukuthi sebeluphothulile uphenyo mayelana nalolu daba kanti manje sebelungisa idokodo.

Okhulumela lolu phiko oluphenya amacala abucayi, uBrigadier Hangwani Mulaudzi, uthe okwamanje basabhekene nokuthile okuphakanyiswe yiNational Prosecuting Authority (NPA).

OLUNYE UDABA: Unkosikazi kaZuma 'waxoshwa' ngungqongqoshe eNkandla – Ummeli

"Kumele kuqale kuphothulwe khona kuqala, nokho ngeke kuthathe isikhathi, bese idokodo liphindela ku-NPA bese kuba yiyo ethatha isinqumo ngecala.”

Okhulumela i-NPA uLuvuyo Mfaku uthe bathole idokodo kuqala base belidlulisela kulowo oyibamba lenhloko yophiko olusebenza ngamacala abucayi, uDkt Torie Pretorius.

Kusukela kwavela lezi sinsolo, uMaNtuli, akasahlali eNkandla njengoba akhishwa khona ngoJanuwari 2015 ngokomyalelo kaNgqongqoshe wezokuPhepha uDavid Mahlobo.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.