UMBONO: Ayavela amaqiniso ngezinhloso ze-DA

2017-08-11 07:01

Durban - Iqembu le-DA lali khankasela ukwesekwa yizakhamuzi zaseNingizimu Afrika libambisene namanye amaqembu aphikisayo ePhalamende ukuba kuketulwe uMengameli wezwe.

Leli qembu lalilokhu lishilo ukuthi inhlosongqangi yalo wukukhipha umengameli ngoba esenindwe ngobubende kaningi ezehlakalweni zenkohlakalo kanti nombiko wokugodlwa kombuso wumndeni wakwaGupta uveza ukuthi lo mndeni usuthole amandla amakhulu wokulawula uhulumeni wakuleli nokuyinto engeyinhle neze.

Kuze kube yimanje, ziyisishiyagalombili izicelo ezaphasiswa zamavoti okuketula umengameli esikhundleni sakhe. Evotini lokugcina elenziwe ngoLwesibili, amaqembu aphikisayo ahlanganyela ndawonye esho ngazwi linye ukuthi kuzoba wusizo olukhulu kuwona uma leli voti lingenziwa ngokuyimfihlo ukuze kuvikelwe amalungu e-ANC nawo athi awasamfuni umengameli kodwa-futhi ayasaba ukuphumela obala ngalokhu.

Ngemuva kwemikhankaso yezinyanga kanye nesicelo esafakwa enkantolo yomthetho sisekelo, uSomlomo wePhalamende wagcina eligunyazile leli voti.

Yize kunjalo, uMengameli uJacob Gedleyihlekisa Zuma, waphuma phambili nokuyinto eyamangaza amaningi.

Umholi weDemocratic Alliance (DA) uMmusi Maimane usecele ukuba kuhlakazwe iPhalamende kulandela ukungaphumeleli kwesiphakamiso sokungethenjwa kobuholi bukaMengameli Jacob Zuma.

UMaimane uthi abantu baseNingizimu Afrika abasalethembi iqembu elibusayo, i-Afican National Congress.

"IPhalamende kumele lihlakazwe,” kusho uMaimane etshela izintatheli esithangamini sabezindaba ngoLwesithathu.

Kungani eseqhamuka necebo lokuhlakaza uhulumeni, kanti inhloso yaleli qembu wukwenzenjani? Ngabe bahlose ukuketula umbuso ukuze bazothatha izintambo ngenkani?

NANSI EMINYE YEMIBONO YABAFUNDI:

Vusumuzi Roy Thwala Izinhloso ze-DA ukuthi kuhlakazwe i-ANC ngoba abanayo enye indlela kodwa iyona lena ngoba i-ANC ithule kuzokwenzeka sobuyela emabhunwini ngendlela eseyenza ngayo isiyalwa futhi isiyaphoqa kuba kwenzeke ngenkani izinhloso zayo sebephumile ekwenzeni ngentando yeningi kodwa sekufanele kwenziwe ngentando yabo abamhlophe lokho kosibuyisela emva lento yabo.

Gavu Lungisani Mtoto I-DA inelungelo lokwenza lokhu, khumbula i-ANC izivezile uba izibeka yona phambili, abahlali emva, emva kwazozonke lezinkinga sezidalwe nguZuma, kodwa bona bathi basaxhasa uZuma, nami ngiyavumelana ne-DA.

Mbongeleni Mazwi Malahla Ndlovu i-DA isiziveza ubunjalo bayo sengiyabavumela laba akade bethi inhloso yabo ukuketula ANC hay uMsholozi. Obaba Holomisa (UDM) usekubebe kwacaca ukuthi elakhe iqembu aluwungeni lowomsangano. Bengiyithemba i- DA kodwa ngathi nayo iyafathuza manje.


UZungu UMbuso KaManzini
 Uma i-ANC yethu ikhethe ukuma nalo Zuma okhohlakele, kuyacaca ukuthi shuthi yonke ikhohlakele! Vele shuthi fanele kukhishwe yona yonke. Ey bayona abantu inhlangano siyithanda.

Mzwah Nicky Phungula iDA izohluleka kule mizamo yayo ngoba inkantolo izobachitha ngokuthi alikho icala elilahle uhulumeni, ngeke kushintshwe ikhabinethi ngezinhloso zabathize abanganelisekile. I-ANC isengaphinda ithole ithuba lokuvota ezishayamthetho zezifundazwe uma inkantolo ibavumela kodwa umthetho awubavumeli ngoba alikho icala.

Disclaimer:INews24 iqhakambisa ukukhuluma ngokukhululeka nokuzwakaliswa kwemibono eyahlukene. Lokho kuchaza ukuthi imibono yababhali bezingosi eshicilelwe kuNews24, akuyona imibono yeNews24.

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.