Umengameli ufuna kuvalwe indaba ye-oral sex ezweni

2018-04-19 19:29

UMengameli wase-Uganda uYoweri Museveni useveze ukuthi ufuna ukuyivala indaba yocansi olubandakanya umlomo (oral sex) ezweni ngenxa yokuthi umlomo "wadalelwa ukudla kuphela".

UMuseveni usole abantu "bangaphandle" ngokuzama ukugqugquzela abantu base-Uganda ukuthi benze i-oral sex - wathi ngalokhu ukhipha isexwayiso.

Utshele abezindaba wathi: "Ngithanda ukuthatha leli thuba ngixwayise abantu bakithi ngezinto ezinganambitheki abazenzayo futhi lokho kugqugquzelwa abantu bangaphandle.

"Enye yalezi zinto yi-oral sex. Umlomo wadalelwa ukudla, hhayi ucansi. Siyalazi ikheli locansi, futhi siyazi ukuthi ucansi lutholakala kuphi," esho.

OLUNYE UDABA: Kuncengelwa isitabane sase-Uganda esiboshwe kuleli

UMuseveni wasayina i-Anti-Homosexuality Act ngo-2014, ekwenza kube yicala elibomvu ukuba yisitabane e-Uganda.

Abantu base-Uganda abazibandakanya ezenzweni zobutabane basengozini yokuthola udilikajele uma belahlwa yicala lokuzibandakanya ocansini nabantu bobulili obufanayo.

Lo mthetho ukwenza kube yicala futhi ukungabiki ngezenzo zobutabane.

Ngo-2014, ngemuva kokusayina lo mthetho, uMuseveni wathi i-oral sex ingase idale izibungu.

"Ufaka umlomo laphaya, ubuye nezibungu bese zingena esiswini sakho ngoba zingene ngendlela okungeyona," esho.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.