UMengameli ugxeke 'ukubukelwa phansi kwentando yeningi'

2017-09-21 19:29

Nairobi - UMengameli waseKenya u-Uhuru Kenyatta ukhulume ngoLwesine wathi isinqumo seNkantolo eNkulu esithi alukho semthethweni ukhetho lwakamuva, "kungukuvukela uMbuso" nokweba intando yeningi kubantu.

Ekhuluma ebonakala ukuthi uthukuthele, uKenyatta ugxeke "ukuvukelwa koMbuso eKenya okwenziwe abantu abane enkantolo."

UKenyatta wethule ingxenye enkulu yale nkulumo ngesiSwahili wathi inkantolo ibukele phansi intando yeningi ngokuthi "izibalo azinamsebenzi, kepha imigudu elandelwayo yiyo ehamba phambili".

"Lesi sinqumo senkantolo sabantu abayidlanzana sesihlehlise inzuzo yeminyaka eminingi," esho, efanisa lesi sinqumo nokuvukelwa kwemibuso emazweni amaningi e-Afrika.

OLUNYE UDABA: Inkantolo inqume ukuba kuvotwe kabusha eKenya

INkantolo eNkulu ngomhlaka-1 Septhemba yakhipha isinqumo esithi imiphumela yokhetho lwangomhlaka-8 Agasti ayikho semthethweni ngemuva kokulalela isikhalazo esafakwa yiqembu eliphikisayo eliholwa nguRaila Odinga.

NgoLwesithathu, amajaji akhiphe isinqumo esiphelele, echaza kabanzi ngalesi sinqumo ethi ikhomishana eyongamele ukhetho ayizange iqinisekise ukuthi lolu khetho lukhululekile.

I-Independent Electoral and Boundaries Commission (IEBC) isibeke umhlaka-26 Okthoba njengosuku okuzovotwa ngalo futhi, kepha kunongabazane wokuthi lolu khetho luzokwenzeka ngosuku olunqunyiwe.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.