Umgadli weChiefs ukhala ngomqeqeshi wakhe

2017-10-23 15:59

Durban – Ugxeke umqeqeshi wezakhe ngokuntuntiswa okwenkukhu engenakhanda umgadli weKaizer Chiefs ohluleke wancama ukunqobisa le kilabhu ibhekene nomkhaya i-Orlando Pirates.

IChiefs neBucs baphinde baphoxa bedlala ngokulingana kuba ngu-0-0 kowe-Absa Premiership ngoMgqibelo ntambama e-FNB Stadium, eSoweto, kubika ILANGA.

IziMpofana bezithishwa ukunqoba kwazise bezisanda kuhlula ngo-2-1 iMamelodi Sundowns koweligi ngoLwesibili olwedlule eLoftus Stadium, ePitoli.

Nokho iChiefs iphoxile idlala ibhola elingagculisi kulo mdlalo.

OLUNYE UDABA: Umqeqeshi wePirates uvuleke amehlo ngabadlali

UBernard Parker ongumgadli weCheifs uthi uphendulwe inkukhu engenakhanda ngumqeqeshi wezakhe uSteve “Mphathi” Komphela embeka yedwa phakathi kwezitobha zeBucs.

“IPirates ibiphezu kwethu kulo mdlalo isithwalise kanzima. Angizange neze ngiwuthokozele lo mdlalo bengifana nenkukhu engenakhanda phakathi kwezitobha zePirates.

“Akulula neze ukubhekana nabantu abathathu uwedwa, bengithwele kanzima ngipaquza into engayi ndawo. Kuze kwaba ngcono sekungene uGustavo Paez kwadlaleka.

“Kodwa bese sihambile isikhathi futhi sengikhathele. Sizamile kodwa iPirates ibingcono kakhulu kunathi kulo mdlalo,” kusho uParker.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.