Umholi weqembu eliphikisayo uboshelwe elokuzama ukubulala

2017-10-20 19:30

Kampala – Umholi weqembu eliphikisayo e-Uganda ukhalelwe ngamasongo kaSigonyela kulandela ukubekwa icala lokuzama ukubulala, kusho umbiko.

Lokhu kuvezwe amaphoyisa ngoLwesihlanu ngemuva kokuba ehlakaze imashi ephikisana nobuholi bukaMengameli wezwe uYoweri Museveni.

UKizza Besigye, osehlulwe amahlandla amane okhethweni lokwengamela izwe ehlulwa uMuseveni, uboshwe ngoLwesine.

Amaphoyisa asola uBesigye ngokushona kwabantu ababili emashini yangoLwesithathu lapho amaphoyisa asebenzisa usisi olukhalisa unyembezi aphinde adubula ukuze ahlakaze laba babhikishi abebelwe nabasebenzi bakahulumeni.

“UBesigye kanye nozakwabo bebehola intsha ebishaya amaphoyisa ngamatshe nokuyinto eholele ekubulaweni kwababili," kusho okhulumela amaphoyisa uDenis Namuwoza.

OLUNYE UDABA: Ababhikishi bashise amaloli amabili eThekwini

Lolu dlame lwenzeka ngoLwesithathu endaweni yaseRukungiri ngasemngceleni wezwe neRwanda. Lo ube ngomunye wemibhikisho enodlame eholwa yilabo abangasamfuni umengameli.

Lolu dlame luqale ngemuva kokuthi umengameli wakuleli ezwakalise ukuthi weseka isiphakamiso somthetho omvumela ukuba ahlale elinye ihlandla kulesi sikhundla.

Lo mengameli useneminyaka engaphezu kwengu-30 ehola leli lizwe kanti kuthiwa umthetho ngeke usamvumela ukuba angenele ukhetho lwango-2021 ngoba umthetho uthi umengameli kumele abe neminyaka engaphansi kuka-75 yobudala.

Isiphakamiso sithi akuguqulwe lo mthetho ukuze kususwe iminyaka le ebekiwe.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.