Umiselwe icala 'lokulala' oweGagasi FM

2018-03-18 11:00

Durban - Kuvela izindaba ezithi ubhekene necala elibi umsakazi weGagasi FM, omisiwe emsebenzini. Okuvela ngomthombo othembekile weLanga LangeSonto ongaphakathi kulesi siteshi wukuthi uNomalanga Shozi umiselwe icala lokuhuqa ubuthongo ngesikhathi somsebenzi.

Le ntokazi isakaza uhlelo lwasebusuku olubizwa ngokuthi yi-The Flame At Night, olusakazwa kusukela ngoMsombuluko kuya kuLwesihlanu.

Ngokusho kwalo mthombo, uNomalanga umiswe ngemuva kokugasela esiteshini kukaDJ Manny owaxoshwa kulo msakazo ngonyaka owedlule, wabhoka ebuza ukuthi kungani engamiswa uNomalanga emsebenzini ekubeni enza icala elifanayo nelamxoshisa yena.

OLUNYE UDABA:Ucishe wafa oweGagasi FM ebanjwa inkunzi

Kuzokhumbuleka ukuthi uDJ Manny naye kwavela izindaba zokuthi uxoshelwe icala lokuhuqa ubuthongo ngesikhathi somsebenzi  kodwa isiteshi sagcina singaphumelanga obala ngokuzoshwa kwakhe.

UDJ Manny ngesikhathi kutholakala ukuthi wenze icala akazange anikwe nesexwayiso kodwa wakhonjwa indlela. Ulandisa leli phephandaba umthombo uthi okwenze kwathatha isikhashana ukuba uNomalanga ethathelwe izinyathelo, kuze kusukume uDJ Manny, yingoba uyintandokazi yomunye wabaphathi.

Umthombo uqhube uthi ukuba akasukumanga uDJ Manny ngabe uNomalanga akamiswanga emsebenziningoba uthandwa lokho okwedlulele.

"Ukumiswa kwakhe besekwenzelwa nje ukuthi kubhalansiswe izinto. Akaqali ukwenza iphutha," kuqhuba umthombo.

Ngaphandle kokuba ngumsakazi weGagasi FM uNomalanga, ubuye abengumlingisi kwiRhythm City,  ebuye ethule nohlelo iMTV Base.

UKhulekani Shandu, okhulumela iGagasi FM, uziqinisekisile izindaba zokumiswa kwale ntokazi kodwa wathi akukho okutheni angakuphawula mayelana nalolu daba okwamanje.

"Umisiwe kodwa ngeke ngikwazi ukuphumela obala ukuthi uxoshelweni. Okwamanje sisezingxoxweni mayelana nekusasa lakhe emsakazweni. Uma sesenziwe isinqumo sizonazisa,"" kuphetha yena.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.