Umkhandlu nesu lokuphehla indle ukwakha i-biogas

2018-04-12 08:11

Durban - Umkhandlu wesifunda sase-Eastern Cape i-Alfred Nzo District Municipality usuqale uhlelo lokushintsha kumbe ukusebenzisa indle yomphakathi wendawo ngenhloso yokukhiqiza iBiogas, ekuyisu lokubhekana ngqo nesimo sokuguquguquka kwesimo sezulu esibizwa phecelezi ngeClimate change.

Lokhu kudalulwe imeneja yomkhandlu i-Alfred Nzo, uMnu Zamile Sikhundla ngesikhathi bevakashelwe izithunywa zomkhandlu waseGermany obizwa ngeHameln Pyrmont Municipality ebezizobheka ubume bomhlaba wakulesiya sifunda namathuba abangawasebenzisa ukuqinisa ubudlelwane esivumelwaneni abasisayindile sokusebenzisana sokubhekana neClimate Change.

Phakathi kwezinto ezisoqhulwini kulesi sivumelwano izindlela zokukhulisa umnotho phakathi kwalaba masipala kusetshenziswa ezolimo, ukukhiqiza amathuba omsebenzi nawamabhizinisi endawo kanye nokukhanda izindlela zokubhekana nesimo sokushintsha kwesimo sezulu ngenhloso yokugqugquzela abantu ukuthi basebenzise ama solar system ne-gas.

Ekhuluma nabezindaba uMnu Sikhundla uthe bahambele izikhungo zamanzi ezithuthukiswayo njengoba ukuguquguquka kwesimo sezulu kukhinyabeza kakhulu umnotho ngenxa yesomiso esibakhona nokuthi izimvula kanye nezichotho zilimaze kakhulu umhlaba.

“Yingakho sigqugquzela kakhulu ezendalo nokuthi abantu balime batshale nezihlahla ukuze zikwazi ukubamba umhlaba zivikele nokushisa okubakhona” kusho uMnu Sikhundla.

Uphinde wathi ukuhanjelwa kwabo yilezi thunywa kubaphoqe ukuthi bahambele nezikhungo zamanzi ezithuthukiswayo ezizokwazi ukubhekana nesomiso njengoba ezinye zazo zakhiwe ngohlobo lokhuthi zikwazi ukudonsa amanzi ngaphansi komhlaba uma imithombo nemifula ishile.

OLUNYE UDABA: Ugwetshiwe owayedayisela abesimame imbiza yokukhulelwa

Sibe sesihambela nesihlanzamanzi sasedolobheni laseMatatiele omunye wemikhandlu ongaphansi kwethu nalapho labo njiniyela besivezele ebesingakuboni ukuthi singayisebenzisa indle yabantu kunokuthi siyilahle kwenziwe ngakuyo kumbe iguqulwe ibeyi-biogas” kusho uSikhundla.

Uthe okuzobasiza kakhulu ukuthi ilizwe laseGermany selithuthukile kanti bona basathuthuka nokuthi ke umehluko abanawo ukuthi lowa mkhandlu ubhekene nomthamo wabantu abawu 150 000 kuphela uma uqhathaniswa nowabo obhekene nabantu abasondele kwisigidi.

‘”Ngesikhathi siseGermany nathi safunda lukhulu kubo kodwa ke bona bahluke ngokuthi ingqalasizinda yabo ayincikanga kwindalo yendawo njengathi esikwazi ukusenzisa imithombo ukuphehla amanzi nokunye ” kusho uMnu Sikhundla. Uthe lobu budlelwano babenze neGermany ngoba lingelinye lamazwe akhinyabezwa kakhulu ukuguquguquka kwesimo sezulu kodwa okungcono ngaso isizwe esesihambile kwezentuthuko.

Uthe kusasa bazohambela ezikolweni zaseMbizana nasemfuleni waseMzamba uMtamvuna bayobonisa izithunywa enye indalo abacabanga bathembele kuyo ukubhekana nalesi simo sezulu.

UMnu Sikhundla uthe izithunywa zikuthakaselele esezikubonisiwe kangangoba kwizivumelwano zobudlelwa abanazo nabanye omasipala baveze ukuthi kwesabo beyi –Alfred Nzo ngeke sibe ngaphansi kweminyaka emihlanu.  

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

AB praises selfless skipper

2010-11-21 18:15

Inside News24

 
/Africa
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.