Umkhandlu wonga imali ngokuvala izibiliboco emingcwabeni

2018-04-18 11:03

Durban - Kuvalwe izibiliboco nobukhazikhazi emingcwabeni yabantu abadla imbuya ngothi abangcwatshwa ngosizo lomkhandlu kamasipala waseKokstad ngenxa yezinga labo lenhlupheko elibabeka kwisimo sokuthi basizwe umkhandlu uma bengcwaba izihlobo zabo.

Imeya yaeKokstad uMnu Bheki Mtolo ukudalule lokhu esithangamini sabe zindaba ebesibanjelwe emkhandlwini nalapho ibiyocacisa ukuthi umkhandlu wabo usuzokhipha umgodi kuphela uma uthole ukuthi umndeni oshonelwe uthola imali engaphezulu kuka R 3360 uma imiholo yamalungu isihlanganisiwe.

UMnu Mtolo uthe indaba yokuthi umkhandlu ubhekane nazo zonke izindleko zemingcwabo isiphelile ngale kokuthi lowo mndeni ngempela kawuyitholi imali engaphezulu kwedalulwe ngasenhla.

Ukuqinisekisile ukuthi nabo banophenyo abalwenzayo ngoba batholile ukuthi iningi labantu bayaluxhaphaza uhlelo luka masipala olubizwa phecelezi nge-Indigent support grant ekuwuhlelo lwemali ebekwayo yokubhekelela izinkinga kumbe izinselelo zabahlwempu ekubalwa kuzo izinsiza zikagesi wamahhala kanye nezinye.  

“Sesibophe abantu ababalelwa ku 1629 abazama ukukhwabanisa loluhlelo ngokusinikeza imininingwane ekungasiyona eveza ukuthi bahlwempu ukuze bahlomule ekutholeni kwizinsiza zamahhala esizinikeza abampofu nalapho kuye kuthi ekugcineni sithole ukuthi laba bantu uma sesiphenyisisa basebenza kahle  nje futhi emizini yabo kupaka izimoto zika nokusho” kusho uMnu Mtolo.

Uthe abanye babantu abatholwa bebhalisele loluhlelo abasebenzi bomkhandlu, abakahulumeni kanye nabezinkampani ezinkulu ezizimele.

“Sesikulungele ukuvula amacala kodwa ke okusiphatha kabi ukuthi amacala esiwavula emaphoyiseni aseKokstad  akahambeli phambili ngoba abantu babheka ukuthi lenziwe ubani lapho uma icala lingathinti imeya kumbe isikhulu esiphezulu uthole ukuthi kalinakwa” kusho uMnu Mtolo.

Uthe kwakulona loluhlelo lokungcwaba bathole ukuthi labo abanomasingcwabisane benzelwa yonke into kodwa babuye bafune okuningi emkhandlwini ngoba ngelithi bahlwempu.

“Sesibathintile omasingcwabisane abaningi basitshela ngezinto abahlinzeka ngazo imindeni eshonelwe nalapho sithole ukuthi bonke bakhipha okuningi okudingeka emingcwabeni  thina nje manje sizobheka isimo somndeni sinhlangabezane nezonti thizeni ekufanele sibasize ngazo, hhayi ukuthi sibhekane nazo zonke izindleko” kuchaza uMnu Mtolo.

Uthe izinhlelo zomkhandlu eziyisibonelelo ezigcina zixhashazwa sezubaphoqe ukuthi basungule uhlelo lokulwa nenkohlakalo njengoba sebethule ngokusemthethweni inombolo yokumpimpa abantu abanza izenzo zenkohlakalo.

OLUNYE UDABA: Ushaqekile umndeni wowesifazane otholakale eshonile

“Sifuna umphakathi ube ingxenye ekubikeni imikhuba eyenziwa abasebenzi bethu ngoba empeleni kuyicala ukwazi izenzo zenkohlakalo kodwa ungazibiki kumbe uze nazo ngaphambili. Siphelile ke manje isikhathi sokulokhu kuthiwa imeya idla imali, sifuna abantu beze ngaphambili kodwa labo abangamagwala sizobavikela njengoba sizoba nendlela evikelekile esizosebenza ngayo” kusho uMnu Mtolo.

Uthe inkohlakalo edlangile kuleli ixhaphaza kakhulu abahlwempu ngoba ukukhuphuka kwentela nokwehla kwemali ebhekelela ingqalasizinda kwenziwa ukuthi uhulumeni udonso kanzima ezimalini ngoba iningi layo iyantshontshwa.

UMnu Mtolo uthe okubaphatha kabi ngamaphoyisa aseKokstad ukuthi amacala abawavulayo bewavulela abakhwabanisi kawahambeli phambili iningi lawo agcina enyamalala nokuthi kuyabhekwa ukuthi icala lithinta bani, kufakwe kakhulu ingcindezi kulawo athinta izikhulu, lawo awabasebenzi abasezikhundleni ezisezansi kawanakwa.

Uhambisa athi ngoLwesihlanu bazozulazula edolobheni nase malokishini baqwashise abantu ngenkohlakalo nobungozi bayo ngoba empeleni ngesinye isikhathi inkohlakalo iqalwa abantu abathanda ukugwazela abasebenzi baka hulumeni igcine igcine isingasagwemeki.

Umkhandlu waseKokstad ukwe wabhekana nesimo senkohlakalo lapho kwagcina kuxoshwe inqwaba yabasebenzi ekwatholakala ukuthi badle izigidi.

Inombolo ethulwe ngokusemthethweni yokubika inkohlakalo ithi 010 593 0835 kumbe ubhalele kuleli kheli: 

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic

Jobs in Cape Town [change area]

Jobs in Western Cape region

Cluster Financial Manager

Cape Town
Network Finance
R950 000.00 - R1 000 000.00 Per Year

Reporting Accountant

Cape Town
Network Finance Professional / Prudential
R310 000.00 - R360 000.00 Per Year

SQL Reporter

Cape Town
Communicate Cape Town IT
R10 000.00 - R12 000.00 Per Month

Property [change area]

There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.