Umkhwenyana ukhiphe amahlazo kamakoti obemjolela emshadweni

2017-10-10 17:59

New York - Abebesemshadweni bekungathi babukele ibhayisikobho ngesikhathi umkhwenyana eveza amahlazo kamakoti wakhe phambi kwezihlwele ebezihambele umshado wabo.

Lo somabhizinisi waseSingapore kuthiwa wanquma ukuqasha umphenyi ngemuva kokusola ukuthi ingoduso yakhe iyamjolela.

Kuthe ngelanga lomshado, umkhwenyana wadlala i-video etshengisa umakoti wakhe ehamba nenye indoda.

Ngokwemibiko yeMirror, lo somabhizinisi waqasha umphenyi kanti nebala ucilo uzothuka ezishaya endukwini, njengoba izinsolo zakhe zaqinisekiswa.

OLUNYE UDABA: Ukwethuka ubaba eshaywa wumbani emshadweni wendodakazi

Kuthiwa umkhwenyana wayalela umseshi ukuba alalele unyendle umakoti isikhathi esingangenyanga, kanti umphenyi uzombona ngelinye ilanga ehamba nowesilisa osemncane kunaye ngokweminyaka beyongena ehhotela.

Umphenyi wabe esenikezela ngalobu bufakazi obaqoshwa nge-video kumkhwenyana. Umkhwenyana kuthiwa akazange ayithi vu le ndaba kowesifazane kwaze kwaba yilanga lomshado.

Kwathi ngelanga lomshado, kwadlala le video phambi kwezihambeli. Kuthiwa yaqala yatshengisa laba abashadayo ngezikhathi ezimnandi, bejabule kepha kwathi ngasekugcineni kwavela lo wesifazane nenye indoda.

Kuthiwa umakoti waphoxeka ngale ndlela yokuthi wavele wawushiya phakathi umshado waphuma ebaleka.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.