UMnangagwa uxolele iziboshwa ezingu-16 ebezizolengiswa

2018-03-29 09:32

Iziboshwa ezibalelwa ku-16 eZimbabwe kubikwa ukuthi ziguqulelwe izigwebo zentambo zenziwa ezikadilikajele, ngemuva kokuthi uMengameli Emmerson Mnangagwa ekhiphe lesi sinqumo.

Ngokusho kwephephandaba elingaphansi koMbuso iHerald, uMnyango wezokuHlunyeleliswa kweziMilo nezamaJele ithe uMnangagwa “usindise” iziboshwa ezingu-16 ebese zilindele ukulengiswa.

Lokhu kulandela ukuthi ekhiphe ngoshwele iziboshwa ezingu-3 000 ngesonto eledlule.

Okhulumela ezamajele u-Elizabeth Banda uthe zibalelwa okungenani ku-173 iziboshwa ezisezinhlelweni zokudedelwa eHarare Central Prison.

Uthe iziboshwa ebese zilinde cishe iminyaka eyishumi ukuba zilengiswe, izigwebo zazo zehlisiwe zenziwa ezikadilikajele.

NgoJanuwari bezingu-99 iziboshwa ebezilindele ukulengiswa eZimbabwe.

Leli lizwe lagcina ngo-2005 ukulengisa iziboshwa njengoba u-hangman wokugcina athatha umhlalaphansi ngo-2006 kanti akekho owathatha izintambo kuye.

Esitatimendeni, inhlangano emele amalungelo abantu i-Amnesty International isamukele lesi sinqumo sikaMnangagwa yathi singumnyakazo omuhle obheke ekutheni kuqedwe nya ngesigwebo sentambo.

 

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.