Umndeni kaDumi Masilela uchitha amahlebezi okukhulelwa kaSimphiwe Ngema

2017-08-24 14:01

Johannesburg - Umndeni womlingisi weRhythm City ongasekho emhlabeni, uDumi Masilela, ugxeke imibiko engamampunge ethi umfelokazi ukhulelwe ingane kaDumi.

Imibiko esezinkundleni zokuxhumana ephinde ibe yizindaba ezingesilo iqiniso yasabalala ngesonto eledlule, ithi uSimphiwe Ngema uzithwele. Kule mibiko kubalwa ne-video etshengisa isithombe sengane isesiswini, i-ultrasound.

Umfowabo kaDumi okunguye okhulumela umndeni, uMbongeni Masilela, ekhuluma neTshisaLive uyigxekile le mibiko 'ethukuthelisayo'.

OLUNYE UDABA: BUKA: Itshe lethuna likaDumi Masilela lika-R160 000

"Angifuni ukukhuluma ngalo mbhedo okhulunywayo ngoDumi. La mahlebezi awumsangano nje futhi awasilo iqiniso. Kuyinto ecasulayo nje. Ukube ibiliqiniso ngabe siyazi ngayo, thina asazi lutho," kusho uMbongeni.

Uthe umndeni usazilele ukudlula kukaDumi emhlabeni kanti futhi angeke uze unakane namahlebezi ngempilo yakhe yangasese ethushuke ezinkundleni zokuxhumana.

Uthe bebemazi uDumi futhi bayakwazi okuyiqiniso nokungesilo, ngakho angeke belokhu bekhuluma ngamahlebezi avumbuke ezinkudnleni zokuxhumana.

UDuma wadutshulwa ngomhlaka-2 Agasti esigamekweni sokuduna eTembisa.

Lesi sihlabani sashonela esibhedlela ngemuva kwesikhashana.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.