UMosimane uthi iSundowns izosibuyisa isicoco seligi

2017-08-16 11:01

Johannesburg - Umqeqeshi weMamelodi Sundowns uPitso Mosimane ukholelwa ukuthi basangasibuyisa isicoco se-Absa Premiership esithathwe yiBidvest Wits ngesizini edlule.

Umdonsiswano ubuphakathi kukaMosimane nomqeqeshi weWits uGavin Hunt ngesizini edlule, kodwa ekugcineni amaClever Boys aphetha ngokusithatha okokuqala ngqa isicoco.

Ngesikhathi iKaizer Chiefs ithatha isicoco seligi ngesizini ka-2014/2015, uMosimane wathembisa ngokuthi bazosibuyisa, nangempela bakwenza lokho.

OLUNYE UDABA: UJonevret wehlulwa umsebenzini - Pirates

“Sihlale sizitshela ukuthi singasibuyisa [isicoco]. Sihlale sizitshela nokuthi singakwazi ukusivikela, kodwa sehlulekile ukwenza lokho ngesizini edlule. Ngicabanga ukuthi kodwa kuzomele sincome iWits ngoba yalwa kanzima ukuze isithathe,” kusho uMosimane.

Ngemuva kokukhishwa yiMaritzburg United emqhudelwaneni weMTN8 ngempelasonto, uMosimane uvumile ukuthi amaqembu amancane azowathwalisa kanzima amaqembu amakhulu kule sizini, kubika iKickOff.com.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.