Umphakathi uvimba imizamo yokuxosha imeya

2018-04-21 11:02

Kokstad - Ufunga uyagomela umphakathi, osomabhizinisi, amaKomanisi kanye nezinye izinhlaka zawo  zaseNtabankulu uthi leliya dolobha liyoshabalala ligcine seliwumlando uma inhlangano ebusayo esifundeni i-Alfred Nzo kanye nesigungu sesifundazwe ziqhubeka nokuzama ukugudluza imeya yakuleya ndawo esikhundleni.

Amalungu omphakathi abethukuthele egane unwabu abuthelane edolobheni alimisa nse ngoLwesihlanu lapho bekulindeleke ukuthi izithunywa zikaKhongolose zesifunda ziyochitha iMeya yalowa mkhandlu, uMnu Vusi Mgoduka.

Kukhalwa ngenhlese yepolitiki ehlose ukuxova umkhandlu kamasipala nokuthi kunabantu abajahe izikhundla ngenhloso yokufeza izifiso zabo zokubeka amandla omkhandlu ezandleni zabangani babo ukuze “kudliwe”.

Nakuna uMnu Mgoduka engomunye wabebeseka uMengameli we-ANC, uMnu Cyril Ramaphosa engqungqutheleni ebiseNasrec ngoDisemba kodwa kuthiwa akabasebenzi ngokubambisana nobuholi be-ANC besifunda, uthatha izinqumo ngendlela yakhe.

Kubikwa ukuthi izithunywa zenhlangano ebeziyomemezela ukususwa kwakhe zijikisiwe ngenxa yokushuba kwesimo.

Isigungi sesifunda i-Alfred Nzo sifuna ukufaka uNkk Tsileng Sobuthongo onguSomlomo womkhandlu wesifunda i-Alfred Nzo esikhundleni sikaMnu Mgoduka nophinda abe yiPhini likaNobhala we-ANC esifundeni.

Kuthiwa izizathu ze-ANC zokuzama ukugudluza uMnu Mgoduka yingoba usebenzela ekhaya, amathenda atamuzwa abakubo ekubikwa ukuthi bayizigwili edolobheni.

Kodwa amalungu omphakathi wona athi lokho kungamampunge ngoba intuthuko bayibona ngamehlo. “Uma umeya ebekhwabanisa ngabe asiyiboni intuthuko, ufike kulo mkhandlu ungenamali kodwa kumanje usesimeni esigculisayo sezezimali njengoba lokho kufakazwa nangabacwaningi-mabhuku. Ufike abantu baseNtabankulu bengenawo ugesi kodwa manje kuyakhanya futhi zimbalwa izindawo lapho ungakafakwa khona ugesi,” kusho uMnu Philile Gusha wezamabhizinisi endawo.

Bathi uMgoduka uze nezinhlelo zokuqhakambisa imfundo kubantu waqinisa ubudlelwane namanyuvesi, okuyizinto ebezingekho phambilini.

“Manje, simkhipha kanjani umuntu onjalo silethelwa abantu base-Alfred Nzo abahlulwe wumkhandlu wabo ekuyimanje usezinkingeni zemali, oKlebe babopha abantu ngapha nangapha. Ngeke sikuvume lokho futhi umeya uMnu Mgoduka uyoxoshwa sifile,” kuchaza amalungu omphakathi.

Imizamo yokuxhumana ne-ANC esifundeni iphunzile.

NEXT ON NEWS24X

AB praises selfless skipper

2010-11-21 18:15

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.