Umphakathi waseNdlangubo uyaqhubeka nokubhikishela ugesi

2018-04-24 16:01

eThekwini - Uyaqhubeka umbhikisho womphakathi waseNdlangubo ovele wavala ibhulohwe u-P230 elixhumanisa iMpangeni neShowe ngoMsombuluo ekuseni.

Lo mphakathi ukhala ngokungabi nawo ugesi kanye nohulumeni anwabulukayo ekubaletheleni izidingo.

Lo mphakathi usebenzise izingodo ezinkulu zezihlahla ukuvala leli bhulohwe, nokuyinto eshiye abashayeli bezimoto bengenayo indlela yokudlula.

Ngokubika kwephephandaba iZululand Observer, lo mphakathi ukhala ngokungabi namanzi ahlanzekile njengoba besebenzisa amanzi asemfuleni uMhlathuze nokungumfula obuye usetshenziswe yimfuyo yabo.

OLUNYE UDABA: IZITHOMBE:Kuhlengwe inyoka, amachwane ayo kanye namaqanda eThekwini

Amalungu alo mphakathi afuna nokuthi uMasipala waseMlalazi acubungule udaba lokwandiswa kwezikole kule ndawo njengoba kuthiwa izingane zihamba amabanga amade uma ziya ezikoleni.

Okhulumela lo masipala, uMkhuseli Buthelezi, uthe kwaxoxiswana nomphakathi ngezikhalazo zawo emasontweni amabili adlule ngesikhathi kunemibhikisho.

"Ngesikhathi kunemibhikisho kwaba nomhlangano nabakwa-Eskom kanye noMasipala wesifunda iKing Cetshwayo District, okunguwona obhekelele udaba lwamanzi.

"Kulo mhlangano kwaxoxiswana ngenqubekelaphambili ngezikhalazo zomphakathi," kusho uButhelezi.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.