Umphakathi waseNgonini uthi usuzowathakatha amasela emfuyo

2017-02-02 14:33

eNgwavuma - Umphakathi waseNgonini uthi usukhathele yizigebengu ezeba izinkomo, izimbuzi, izinkukhu kubuye kugqekezwe nemizi kuntshontshwe ifenisha nokudla.

Lokhu kuvele emhlanganweni obusenkundleni yezemidlalo eNgonini ngoMsombuluko lapho kuphunywe nekhambi lokuthi kusungulwe isikhwama sokubhekana nalezi zinkinga ezidalwa ngamasela.

Kulo mhlangano obubizwe yinduna yendawo, uMnu Ellias Shongwe, bekubizwe abantu bawo wonke amazinga emphakathini kubalwa nentsha, okuyiyona enukwayo ngezigameko zobugebengu kule ndawo.

Kuvunyelwane ngokuthi kuzothathwa emalini ekhishwe kusukela ngawo uMsombuluko kukhokhelwe inyanga ezocupha lapho kuntshontshwe khona.

Kugxekwe abazali okubikwa ukuthi bavikela izingane zabo uma zisolwa ngokubamba iqhaza ebugebengwini obukhathaza umphakathi.

Okunye okukhalisa umphakathi wukuthi izigilamkhuba ziboshwa zibuye zidedelwe, inkantolo ingawazisanga wona, kubika iLANGA.

OLUNYE UDABA:Isalukazi sitholwe nezinyoka ebezizitika ngocansi namadoda nabesifazane

Induna yendawo ithi iphelile imfuyo yabantu lapha endaweni, ngiyakweseka okwenziwe wumphakathi ngoba akukho umuntu ozosukelwa lapho ehlala khona kodwa kuzobekwa iphoyisa lesintu elizohamba liyothungatha umuntu ogangile emuva kwalokho kube yisililo esevuma izono zakhe.

“Kwezinye izindawo ezifana nakwaMhlabuyalingana imfuyo ilala emagcekeni kodwa kayintshontshwa. Nathi sizothatha izinyawo siyobuza ukuthi yini abenza ngayo bona ukuze bangathathelwa izinto zabo," kusho induna. 

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.