Umqeqeshi wePirates uthi iseqophelweni eliphezulu iPolokwane City

2017-11-03 14:00

Johannesburg - Umqeqeshi we-Orlando Pirates uMicho Sredojevic usechaze iPolokwane City njengekilabhu eseqophelweni eliphezulu ngaphambi komdlalo wabo we-Telkom Knockout ozoba se-Orlando Stadium ngoMgqibelo ebusuku.

ICity ikhombise ukuba yinkinga emakilabhini amathathu athathwa njengamakhulu kuleli kule sizini njengoba yashaya iMamelodi Sundowns yaphinde yadlala ngokulingana nePirates kanye neKaizer Chiefs emidlaweni yeligi.

Ngesikhathi iBhakabhaka lidlala neCity ngoSepthemba lashaya igoli usuzophela umdlalo ukuze babambane ngo-2-2.

OLUNYE UDABA: UThobejane umile kwelokuthi bazothatha isicoco seligi

“IPolokwane iyikilabhu eseqophelweni eliphezulu. Ikukhombisile lokho ngokushaya iSundowns ePitoli nangokubambana nathi kanye neChiefs,” kusho uSredojevic, ozobe efuna umphumela ongcono kulandela ukushaywa yiDowns ngo-3-1 koweligi ngoLwesithathu.

Lo mqeqeshi uthi nokho ugculisekile ngendlela ezakhe ezidlale ngayo emidlalweni yokuqala eyishumi yeligi kule sizini, kodwa uyavuma ukuthi bebengenza kangcono ngemiphumela abayitholile.

Banamaphuzu angu-14 kanti basanqobe kuphela imidlalo emithathu.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.