Umsangano wonke lo eniwuzwayo ngami – R Kelly

2017-07-29 14:57

Cape Town – Umculi odume umhlaba wonke ngamaculo akhe kanjalo nekhono lokubhala umculo, uR. Kelly, uqophe i-video ebhekiswe kubalandeli bakhe wayifaka enkundleni yezokuxhumana uTwitter ngoLwesihlanu.

Kule video uKelly uthi: “Ninjani? UKelly lo, futhi ngithanda ukunazisa ukuthi konke lokhu enikuzwayo ngami kungumbhedo nje. Ngiyeza e-East Coast ngizonandisa. Ngikholweni uma ngithi yonke le nto wumsangano.

“Siyezwana? Ngiyethemba ukuthi izobonana uma senginandisa. Ngiyanithanda nonke.”

Nansi i-video:

le video iza ngemuva kokuthi lo mculi ongaconsi phansi kwabaningi kwavela izinsolo ngaye kuthiwa uphoqa abantu besifazane ukuba bahlale naye kwakhe.

 Ngokombiko wophenyo olwenziwe yiBuzzfeed News, lesi sihlabani se-RnB kubikwa ukuthi sihlala namantombazane emzini waso.

Kuthiwa la mantombazane uR Kelly uyawahlukumeza aphinde awenzise nocansi engathandi. Kubikwa ukuthi kunesikompilo oluphilwayo (cult) kanye nemithetho elandelwa abesifazane abahlala nalo mculi.

IBuzzfeed  yacaphuna abazali abahlukene abathi amadodakazi abo wonke akhohliswe uR Kelly nokuthiwa ulawula yonke into ngezimpilo zawo.

Ngokusho kwabanye babazali, sekunesikhathi bezama ngayo yonke indlela ukuthi indodakazi yabo eneminyaka engu-21 ubudala ibuyele ekhaya ngemuva kokuthi yathuthela kwenye yezindlu zikaR Kelly.

Kodwa-ke inkinga abanayo ukuthi abakwazi ukubika le ndodakazi yabo njengomuntu odukile njengoba kubikwa ukuthi iziphilela kahle futhi ihlala kule ndlu ngokuthanda kwayo.

 

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.