Umshayeli wetekisi nomsizi wakhe 'bathumba, bashaya' iphoyisa ngoba libabambezela

2018-04-24 19:32

Umshayeli wetekisi waseZimbabwe kanye nomsizi wakhe kubikwa ukuthi bavele enkantolo ngecala lokuthumba, ukunklinya nokushaya iphoyisa ebelihambele endaweni yesigameko sengozi esibandakanya imoto yabo nenye imoto encane.

Ngokubika kweNew Zimbabwe.com, uClayton Chirere, 29, noGodfrey Ruwodo, 36, basola leli phoyisa ngokubabambezela. Laba babhekene necala lokushaya nokuthumba.

IMantshi uRuramai Chitumbura utshelwe ukuthi laba bobabili bathumba baphinde bashaya uFanuel Mudzimiri - oyiphoyisa elisebenzela esiteshini samaphoyisa esiseHarare - ngoba bekhala ngokuthi "ubabambezela ngaphandle kwesizathu ngoba imoto abashayisane nayo kayizane ilimale".

OLUNYE UDABA: Buka: Kubambana iphoyisa nomshayeli 'ngamawashingi'

UMudzimiri wayethatha izitatimende kulabo abathintekayo ngesikhathi uChirere eyalela uRuwodo ukuba asuse imoto kukhona iphoyisa phakathi, okuthiwa ngokuhamba kwesikhathi balishaya base beyalinklinya ngebhande.

Leli phoyisa nokho lakwazi ukubaleka ngesikhathi imoto ima erobhothini.

Bobabili abasolwa bazogqunywa esitokisini kuze kube baphindela enkantolo ngoMsombuluko.

Kubikwa ukuthi lesi kakusisona isigameko sokuqala esibandakanya ukushaywa kwephoyisa kwenziwa ngabashayeli betekisi.

Ngokusho kweNewsDay, umshayeli wetekisi nayehamba naye bavela enkantolo ngo-2017 ngecala lokushaya iphoyisa abalisola ngokudala ukuthi itekisi yabo ishayise isitolo kuThird Avenue, kwaBulawayo.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.