Durban - Kuboshwe abasolwa ababili ngemuva kokugqekeza emzini womuntu eMooi River KwaZulu-Natal ngoMgqibelo ebusuku, kusho amaphoyisa.
Oyedwa wala basolwa udubule omunye ngephutha.
La madoda womabili oneminyaka engu-28 ubudala noneminyaka engu-40 ubudala kusolwa ukuthi angene emzini womuntu oseMooi River alimaza izithandani esezikhulile ezimneminyaka engu-72 ubudala zombili ngezinduku zegalofu zifuna imali kuzo.
OLUNYE UDABA: Udutshulwe ekhanda unogada kuphangwa eKZN
"Lezi zithandani zabezwa abasolwa bengena emzini wazo. Umnikazi wendlu wase edubula kabili," kusho amaphoyisa.
Ngemuva kwesikhashana abasolwa babaleka endaweni yesigameko nesibhamu somnikazi womuzi kdwa baboshwa ngemuva kwesikhashana.
"Njengama nje kuphenya isigameko sokudutshulwa komsolwa oyedwa.
"Umsolwa olimele kusolwa ukuthi udutshulwe ngomunye umsolwa ngephutha.
"Uphenyo luyaqhubeka," kusho amaphoyisa, kubika iSowetanlive.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter
