UMugabe ufisele i-ANC okuhle kodwa njengoba ibheke enkomfeni kaDisemba

2017-10-03 18:01

Pretoria – UMengameli waseZimbabwe uRobert Mugabe usethumele izilokotho ezinhle kwi-ANC njengoba ibheke enkomfeni yokukhetha ubuholi esivele yandulelwe yizigameko ezingezinhle.

Ngesikhathi ethula inkulumo yokuvula iBi-National Commission ebibanjelwe ePitoli ngoLwesibili, uMugabe uthe i-ANC akumele ikuvumele ukuqhekeka.

"Sifisela i-ANC impumelelo engqungqutheleni yokuqokwa kobuholi ukuze iqhubeke kahle nomsebenzi, ibumbene,” kusho uMugabe.

Unezezele ngokuthi i-ANC yabamba iqhaza ekukhululeni izwekazi i-Afrika.

Njengoba kubhekwe enkomfeni kazwelonke yokukhethwa kobuholi, i-Eastern Cape ibambe eyayo inkomfa ngempelasonto kepha kwaba nesiphithiphithi ngesikhathi kuhilizisana izinhlangothi eziyizimbangi.

OLUNYE UDABA: I-ANC eKZN ayinavalo ngokuthi angase agudluzwe uZuma - Zikalala

Kanti e-KZN labo abakhishwa ezikhundleni bahambisa ubuholi bale nhlangano enkantolo bekhala ngokuthi wayingekho emthethweni ingqungquthela yokukhethwa kobuholi yango-2015.

Inkantolo nebala yahamba phezu kwala mazwi yathi le ngqungquthela ayihanjiswanga ngendlela futhi imiphumela yakhwatshaniswa.

Inkomfa yase-Eastern Cape iqale kabi ngesikhathi amalungu ephazamisa umcimbi ngoLwesihlanu ebusuku, kwathi amanye azama ukugasela lapho yayibanjelwe khona ngoMgqibelo ebusuku bahlakazwa ngama-stun grenades.

Kwabe sekubheduka udlame ezintatha ngeSonto, amanye amalungu alimala.  I-video yeNews24 itshengisa amanye amalungu ejikijelana ngezihlalo.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.