UMugabe uthi uMengameli omusha akekho semthethweni

2018-03-16 16:00

Harare – Lowo owayengumengameli wezwe eZimbabwe uRobert Mugabe usecele umhlangano noMengameli Emmerson Mnangagwa, wathi iZimbabwe kumele ibuyele ekwenzeni izinto ngokoMthethosisekelo, kulandela ukukhishwa kwakhe esikhundleni ngoNovemba.

UMugabe ukusho lokhu emzini wakhe oseHarare lapho ebekhuluma khona nezintatheli okokuqala selokhu aphoqwa ukuba ehle esikhundleni.

UMugabe waphoqwa ukuba ehle esikhundleni ayengene kusona leliya lizwe lithola ukuzimela ngo-1980.

Selokhu aphuma esikhundleni, ubengasabonakali emphakathini – kwaze kwaba uLwesithathu.

OLUNYE UDABA: Lixolisile ilungu lePhalamende elagqugquzela ukushaywa kwabesifazane

"Angimzondi uMnangagwa futhi ngifuna ukusebenzisana naye. Kodwa kumele angene ngendlela efanele lapho ekhona. Ungene ngokungemthetho.

"Kumele silungise leli hlazo esizifake kulona. Alisifanele. IZimbabwe ayifanelwe yilokhu. Sifuna ukuba yizwe elilawulwa wuMthethosisekelo… Kumele sithobele umthetho,” kusho uMugabe.

UMugabe uphinde wathi uMnangagwa kumele amumeme ngendlela efanele ukuze bezobamba izingxoxo.

"Ngizimisele ngokubamba izingxoxo futhi ngizimisele ngokubamba iqhaza ohlelweni lonke kodwa kumele angimeme. Okwamanje ngizitshiwe,” kusho uMugabe.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.