'UMvikeli woMphakathi akanawo amandla okuyalela uZuma ukuba enzeni'

2017-10-24 18:01

Pretoria – Ithimba labameli bakaMengami Jacob Zuma liveze ukuthi lowo owayenguMvikeli woMphakathi uThuli Madonsela wayengenawo amandla okuba enze isiphakamiso sokuthi kusungulwe ikhomishana yophenyo mayelana nombiko we-state capture.

Ummeli u-Ishmael Semenya, utshele iNkantolo eNkulu iNorth Gauteng ePitoli ukuthi: "UMvikeli woMphakathi kumele asitshele ukuthi uwathathaphi amandla okusho ukuthi izincomo zakhe kumele ziphenywe ngomunye umuntu."

USemenya utshele uMengameli wamaJaji uDunstan Mlambo, kanye namanye amajaji okubalwa kuwo uPhillip Boruchowitz noWendy Hughes, ukuthi akukho semthethweni ukuthi uMadonsela atshele uMengameli ukuba kumele asungule ikhomishana yophenyo.

OLUNYE UDABA:URamaphosa uthi akanawo amandla okusungula uphenyo nge-State Capture

Uthi kumele zibekwe eceleni iziphakamiso ezenziwa nguMadonsela.

UMengameli uyaziphikisa lezi zincomo zikaMadonsela ngoba uMthethosisekelo uthi wumengameli kuphela onegunya lokusungula ikhomishana yophenyo.

UMengameli wamaJaji ukuvumile ukuthi yiqiniso elinganakuphikiswa ukuthi uMengameli nguye onegunya lokusungula ikhomishana.

UMadonsela wayephenya mayelana nezinsolo zobudlelwano obungalungile phakathi kukamengameli nomndeni ongomacaphunakusale wakwaGupta, nezinsolo zokuthi yiwo othatha izinqumo ngongqongqoshe abaqokelwa kwiKhabhinethi kaZuma.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.