Uncamela injabulo yomndeni kunePirates

2017-01-23 19:28

Durban - Uncamela injabulo yomndeni kune-Orlando Pirates uKermit Erasmus obefunwa uthuli nguDkt Irvin "Iron Duke" Khoza onguSihlalo wamaBhakabhaka.

U-Erasmus ushiye kwiBucs isigubhukane ngesizini edlule wajoyina iRennes egijima esigabeni esikhulu eFrance. Nokho selokhu efike kule kilabhu udonsa kanzima ukuthola isikimu.

Le kilabhu iphoqelekile ukuthi imubolekise kwiLens edlala esigabeni esingezansi kwesikhulu saseFrance.

OLUNYE UDABA:Ugcine ebuyelile kumaBhakabhaka umdlali obebolekisiwe

ILANGA lihletshelwe ngumthombo walo ukuthi u-Erasmus usayina kule kilabhu yaseFrance nje, uKhoza ubexoxa naye ezama ukumuncenga ukuba abuye.

Kuthiwa umshaye ngesithende wathi usazimisele ngokuhlala eFrance ngoba umndeni wakhe ulithandile leliya lizwe elidume ngobuhle nemfudumalo okulenza libe yintandokazi ezivakashini.

Kuthiwa kakuyena uKhoza kuphela oshayeke ngesithende kodwa neZulte-Waregem yaseBelgium esembangweni wesicoco seligi ibimfuna kodwa nayo wayigabha.

"UKhoza akaneme ngesimo sePirates njengoba ingenzi kahle kangangoba uzama ngazo zonke izindlela ukuqinisa isikwati sakhe. Into emkhathaza kakhulu njengamanje wudaba lomqeqeshi.

Uyamfuna wukuthi kusenzima ukumthola ngoba laba abafunayo banezinkontileka namakilabhu abo. Kodwa-ke akapheli mandla kuzogcina yena," kusho lo mthombo.

Imizamo yokuthola uKhoza ukuba aphawule ngalolu daba iphunzile njengoba ucingo lwakhe belukhala kodwa lungabanjwa.

Ngesikhathi kuqala le sizini lesi sikhulu silibeke ngesihloko elokuthi sifuna ukubona le kilabhu izakhela umlando omusha kwazise nonyaka igubha iminyaka engama-80 yasungulwa.

Uqashe uMuhsin Ertugral ngethemba lokuthi uzoyibeka kwelinye izinga kodwa waphonsa ithawula emuva kokuba ethelwe ngehlazo yiSuperSport United equmbe phansi iBucs ngo-6-1 kowe-Absa Premiership.

Izintambo kumanje zibanjwe okwesikhashana ngu-Augusto "Njenje" Palacios ongenzi kahle kulesi sigqiki sokuqeqesha.

Ibifuna ukuqinisa ngo-Erasmus nje kumafolosi, phambili le kilabhu ithembele kuTendai "Fire" Ndoro waseZimbabwe kwazise uThamsanqa "Gandaganda" Gabuza ufana nesimo sezulu sona esiguquka noma nini.

* Kuzo ezokusayina kwabadlali, iPirates ihlabane ngoMarc Van Heerden noJames Okwuosa waseNigeria abebegijima kwiChippa United. Laba badlali baphambane noJustice Chabalala, uDonald Mokondelela, uSello Japhta noNkosinathi Mthiyane abebesemabhukwini eBucs. UChabalala kuthusile ukudedelwa kwakhe ngoba ubenza kahle emuva. Kulaba abanye abadlali abakaze baligqoke ijezi leBucs, okungathusanga nxa bekhululwa.



 - “Like” ikhasi lethu kuFacebook ukuze uthole izindaba ngolimi lwakho                                

 - Landela IzindabaNews24 kuTwitter

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.