Unenebulwe yisoka likazakwabo, lingayitholi intombi yalo

2017-09-22 12:32

Durban - Zihlafuna zijeqeza kuhle kwezinyamazane izisebenzi zezenhlalakahle KwaMaphumulo, enyakatho-mpumalanga yeKwaZulu-Natal emuva kokuba esinye sesifazane kuthiwa sishaywe salinyazwa yisoka likazakwabo - elisebenza kuMasipala waKwaMaphumulo - emasontweni amabili edlule.

Umthombo weLANGA nawo oyisisebenzi sezenhlalakahle uthi uKhayo Zondi, 45, obengaqali ukubahlasela - okuyikhona okwenza babone ukuthi kabaphephile.

"Unesikhwele esimangalisayo, njalo uma engamfici uzakwethu emahhovisi ethu noma emakotishi esiqashe kuwona uvele asho ukusiqeda ethi sizomkhipha simbeke la unina wengane yakhe," kusho umthombo.

Uthi esigamekweni sokugcina uZondi ufike emakotishi wavulela ngenduku ngemuva kokuba bemtshele ukuthi kabamazi unina wengane yakhe ukuthi ukuphi.

OLUNYE UDABA: Ushaye umkhwekazi wamshiya emabokoboko

"Uzakwethu namanje akakabuyeli emsebenzini ngenxa yezinhlungu azithole edindwa ngenduku yilo mlisa. Kwale ngisho sesimkhuza, simtshela ukuthi kasihlangene nezindaba zothando lwabo, wathi siyamazi futhi sizomkhipha simbeke la," kuchaza lo mthombo.

Uthi likhona icala elivuliwe emaphoyiseni akule ndawo kodwa basesaba.

Isisebenzi esihlaselwe nguZondi sithe kasithandi ukuphawula kakhulu ngalolu daba ngoba sisabela ukuthi singase siphinde sihlaselwe futhi.

Okhulumela amaphoyisa uLt-Col Thulani Zwane uthi likhona icala elivuliwe esiteshini samaphoyisa KwaMaphumulo ngalesi sigameko esenzeka ngomhlaka-9 Septhemba.

Amaphoyisa ambopha umsolwa, kepha wadedelwa ngebheyili ngemuva kokuvela enkantolo, esho.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.