UNgqongqoshe weluleke abashayeli njengoba kuza amaholidi ePhasika

2018-03-20 13:59

Johannesburg - UNgqongqoshe wezokuThutha uBlade Nzimande uthi iziphathimandla zomgwaqo zizoqapha kakhulu abashayeli abahamba ngesivinini esiphezulu, abalibala wucingo nabashayela bedle amanzi amponjwana kula maholidi ePhasika.

UMnyango ubuseHeidelberg emgwaqeni omkhulu u-N3 namuhla ekuseni wethula umkhankaso wezokuphepha ngamaholidi.

Kwashona abantu abangaphezu kwabangu-200 ngesikhathi samaholidi ngonyaka odlule.

OLUNYE UDABA:Umnyango wezokuthutha uthi izingozi zingagwemeka ngokushayela kahle

Ku-N3 amaphoyisa omgwaqo amise izimoto azisesha, kanjalo nama-license disk nokuthi ngabe izimoto zisesimweni esikahle yini sokuhamba emgwaqeni.

UNzimande uthe amaphoyisa azobonakala kakhulu emigwaqeni evame ngezingozi ukuze kuqinisekiswe ezokuphepha.

"Sizophinde sisebenzisane kakhulu namaphoyisa ombutho we-SAPS."

Kodwa uthe into eyinkinga wukuthi ukuphepha kwamaphoyisa omgwaqo kusengozini.

"Iphoyisa elihlola imoto enezibhamu noma izidakamizwa lisengozini kakhulu."

Ungqongqoshe ubekhuluma nabashayeli ngesikhathi kwenziwe isivimbamgwaqo ebeluleka.

 - Twitter:

 - EWN

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.