Ungubani ungqongqoshe omusha uBongani Bongo?

2017-10-17 18:00

Johannesburg - UMengameli Jacob Zuma uqokele kwesikaNgqongqoshe wezokuPhepha koMbuso ilungu lePhalamende elidabuka eMpumalanga, okungaveli lutho olutheni elazelwa lona kwezombusazwe.

U-Advocate Bongani Bongo kube nguye kuphela okhushulelwe esikhundleni sokuba ngungqongqoshe ngesikhathi uMengameli Zuma enza izinguquko ngoLwesibili ekuseni - okunguguquko lwesibili ezinyangeni eziyisikhombisa.

UBongo ukhushulelwe kulesi sikhundla esuka kwikhokhasi ye-ANC wangena ezicathulweni zikaDavid Mahlobo, yena oyiswe kwesikaNgqongqoshe wezaMandla.

Ngesikhathi iNews24 ithinta ilungu elisebuholini be-ANC eMpumalanga ukuba liphawule ngokuqokwa kukaBongo, livele lafa yinsini, maqede lathi: "Hhayi, izinto ziyenzeka eNingizimu Afrika."

OLUNYE UDABA: Siphoxekile ngokuxoshwa kukaBlade Nzimande - Mantashe

Lo mholi, oyilungu lesigungu esiphezulu esifundazweni, uthe uBongo unobudlelwano obudala noNdunankulu uDavid Mabuza, kepha bake baphambana ngemibono kule minyaka eyedlule.

UBongo, oyi-advocate ngokwemfundo yakhe, kuthiwa wake waba yilungu le-ANC Youth League eMpumalanga, kepha akekho esigungwini esiphezulu sesifundazwe.

Lo mholi ongafunanga negama lakhe, uthe uBongo waziwa njengo"muntu ka-DD [Mabuza]"

"Kwake kwaba nokungaboni ngasolinye ngokuqhubeka eMnyangweni wezokuHlaliswa kwaBantu esifundazweni, lapho uBongo ayesebenza khona ngaphambi kokuba aye ePhalamende," kusho lo mthombo.

UBongo kuthiwa uyingxenye yethimba elikhankasela uNkosazana Dlamini-Zuma eMpumalanga.

Umhlaziyi wezepolitiki kwaNews24, uMpumelelo Mkhabela, uthe kungenzeka ukuthi ukuqokwa kukaBongo kuyimizamo kaZuma yokuyenga uMabuza ekutheni abe sekhempini yabeseka uDlamini-Zuma.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.