Unqatsheliwe u-e.tv uzama ukulaxaza izindaba za-6:30

2017-02-16 11:05

Cape Town – Isiteshi sikamabonakude esingakhokhelwa nesenza inzuzo, u-e.tv, sesikhale ngaphansi emzwamweni yaso yokulaxaza ukusakazwa kwezindaba zesiNgisi ngesikhathi esibalulekile (prime time) nalapho iningi lababukeli likhona ukubuka umabonakude.

Lokhu kuza njengoba inhlangano elawula ezokusakaza kuleli, i-Independent Communications Authority of South Africa (Icasa), ichithe isicelo se-e.tv, yaphinde yayalela lesi siteshi ukuthi siqhubeke nokusakaza izindaba ngesikhathi esibalulekile.

OLUNYE UDABA:Kuzuze u-etv ngokulahleka kwenqwaba yababukeli beSABC

Lesi siteshi sikamabonakude besifake isicelo sokuthi kuguqulwe imibandela yemvume yaso yokusakaza sikhala ngokwehla kwesibalo sababukeli bezindaba. Kodwa-ke i-Icasa isichithile lesi sicelo, yathi angeke kuwusize umphakathi ukungadlalwa kwezindaba ngesikhathi esibalulekile.

Ukwehla kwesibalo sababukeli bezindaba zaka-e.tv kungenzeka ukuthi kudalwe yizinqumo ezithathwe yinkampani ephethe lesi siteshi, i-eMedia Investments, njengoba esikhathi esingaphambilini ishintshashintshe kaniningi isikhathi okusakazwa ngaso izindaba kanye nendlela ezethulwa ngayo eminyakeni eyedlule.

Izindaba zesiNgisi ku-e.tv yizona ezazihamba phambi ngokubukelwa eNingizimu Afrika ngaphambi kokuthi lesi siteshi sinqume ukufaka imidlalo yaso efana ne-Scandal kanye neRhythm City ngalesi sikhathi.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.