UNzimande ucacisa ngesizathu sokungabonakali emngcwabeni kaLundi

2017-02-12 18:30

Durban – Ucacisa ngokungalubhadi emngcwabeni wesilomo somculo wowokholo, uLundi Tyamara, uTshepo Nzimande obekubhekwe ukuthi abe ngesinye sezikhulumi emngcwabeni.

Ulundi ufihlwe ngeledlule endaweni azalwa kuyona eWorcester, eWestern Cape, enkonzweni yomngcwabo ebihanjelwe yizikhulu zikahulumeni, abaculi, yizikhulu zezinkampani kanye nosaziwayo.

Ngokusho komunye wabebehambele lo mngcwabo, abantu basale bebuzana ngokungabonakali kukaNzimande njengoba bekulindeleke ukuba abe ngesinye sezikhulumi.

UNzimande nguyena othathwa njengomuntu owavundulula ikhono likaLundi kwazise nguyena omfake e-studio ngesikhathi eqopha i-albhamu yakhe yokuqala.

OLUNYE UDABA: Kugxekwe ukufakwa kwesithombe sikaLundi engaphilile ezinkundleni zokuxhumana

Enkonzweni yesikhumbuzo uNzimande wethule inkulumo waze waveza nokuthi ukuqopha lo mculi kumvulele amanye amathuba kulo mkhakha wakwazi nokuqopha abanye abaculi ngaphansi kwenkampani abengomunye wabaphathi kuyo, iBula Music.

:Mina izimpelasonto ngiba matsa kakhulu ngazo njengoba sengingene ebhizinisini lokungcwaba. Abantu kumele bakuqonde ukuthi ngikwenzile obekumele ngikwenze, ngamhlonipha uLundi njengomculi ebengisebenza naye ngakho bengingaphoqelekile ukuba ngize ngihambele nomngcwabo,” kuchaza uNzimande.

Unezezele ngokuthi yena ubengenanxa noLundi njengoba ubeya ngisho ukuyombona esibhedlela ngesikhathi esabambekile.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.