UPearl Thusi ulandisa ngesigameko acishe abanjwa kuso inkunzi

2018-04-06 12:34

Cape Town - Usaziwayo wakuleli uPearl Thusi "akazange alimale" ngesikhathi ekhonjwe ngesibhamu ngumuntu abezama ukumbamba inkunzi eBraamfontein ngoLwesine.

Ngokusho kwalo mlingisi weScorpion King uthi ukhonjwe ngesibhamu esemotweni yakhe ngesikhathi emile elinde irobhothi ukuba livule eBraamfontein.

Echaza ngalesi sigameko enkundleni yezokuxhumana uTwitter, uthe: "Kunomuntu ongikhombe ngesibhamu ngisemotweni yami eBraam. Wathi angimnikeze umakhalekhukhwini wami kungenjalo uzongidubula. Nginqabile, ngabe sengisusa imoto ngahamba (ngenhlanhla irobhothi bese livulile). Ngiqale ukutatazela ngemuva kwemizuzu kwenzeke isigameko."

OLUNYE UDABA: UPearl Thusi ‘akanakuphawula’ ngokuqinisekisa kukaRobert Marawa ukuthi bahlukene

Lo mlingisikazi uthi into "emhlekisile" wukuthi akazange atatazele ngesikhathi kwenzeka konke lokhu. "Ngibonga uNkulunkulu ngoba ngisindile. Amen," esho.

Uqhube ngokuthi: "Mhlawumbe ubecabanga ukuthi angikwazi ukukhuluma isiZulu?! Mhlawumbe kumxakile ukungatatazeli kwami. Mhlawumbe isibhamu besingenazo izinhlamvu? Ngibonga impilo."

Ngesikhathi omunye umlandeli ebuza ukuthi usibonile yini isibhamu, uPearl uthe: "Yebo, ngisibonile. Kodwa sengike ngasebenza ngezibhamu ezingamathoyizi kweminye imidlalo engilingisa kuyo yingakho zingangisabisi."

Ekhuluma neThe Juice, lowo oyisikhulu seCapacity Relations, uSarit Tomlinsons, usiqinisekisile lesi sigameko wathi bayajabula ngoba uPearl akazange alimale.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.