Uphenduke isisulu umshayeli ozame ukusiza owesifazane eceleni komgwaqo

2018-03-04 11:02

Nelspruit - UKhomishana wamaphoyisa eMpumalanga, uLieutenant-General Mondli Zuma unxuse abashayeli ukuba babaqaphele abantu abacela ukusizwa eceleni kwemigwaqo.

NgoLwesihlanu, okhululema amaphoyisa uSergeant Gerald Sedibe, uthe lesi sexwayiso siza ngemuva kokuba amadoda amabili ebambe owesifazane inkunzi aphinde amdlwengula eceleni komgwaqo.

"Lo wesifazane ubelibangise ekhaya ngesikhathi kumemfuka owesifazane obengagqokile ngokuphelele emahlathini wazama ukumumisa ezenza odinga usizo. Ngemuva kokuma amamitha ambalwa naye ube esephinde emuva eyomsiza. Ngemuva kokupaka imoto lo wesifazane uvele wanyamalala kwabe sekuqhamuka indoda engaziwa izifihle ubuso yamkhomba ngesibhamu," uSedibeng.

OLUNYE UDABA:Izigebengu zibanjwe zisageza esangomeni, kwaGqikazi

USedibeng, uthe le ndoda ibe isingena ngaphakathi emotweni yatshela lo wesifazane ukuba ayiqhube ibheke ngasemahlathini abheke eNjaka Dam. Le ndoda yabe isibiza enye ukuba ifike.

"Isisulu sizamile ukubaleka kodwa abasolwa badubula, basiphoqa ukuba sikhumule base beshintshana ngaso ngokusidlwengula. La madoda abe esebamba isisulu inkunzi asithathela isamba semali esingaziwa, iselula nenye impahla ngaphambi kokubaleka ngemoto yohlobo lwe-Citi Golf e-green," kusho uSedibe.

"Bekungakaboshwa muntu okwamanje kodwa amaphoyisa athungatha abasolwa kubalwa nowesifazane ozenze ofuna usizo."


 - African News Agency/ANA

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.