Uphonseke eweni washona ethatha isithombe

2017-10-14 13:03

London – Isitshudeni siphonseke eweni sashona silungiselela ukuthatha isithombe emagqumeni aseSeven Sisters, kusho umbiko mayelana nokushona kwaso.

UHyewon Kim, 23, wafika e-United Kingdom eyokwenza izifundo zesiNgisi kwathi ngomhlaka-22 Juni wathatha uhambo oluya eCuckmere Haven, e-East Sussex, ehamba yedwa.

Kuthiwa wacela umuntu angamazi ukuba amthathe isithombe, kwathi esagxuma emoyeni elungiselela ukuthatha isithombe, wangasabuyela lapho ekade eme khona wase eyashelela wayokhalakathela eweni.

Inkantolo itshelwe ukuthi uKim, ongowokudabuka eSouth Korea, walimala kabi kulesi sigameko.

OLUNYE UDABA: Sisale nenxeba elibi isivakashi esizame ukuthatha 'iselfie' nengwenya

U-Alan Craze, okunguyena owaqinisekisa ukushona kukaKim, nguye okhiphe lo mbiko.

Ekhuluma ngemuva kophenyo, uMark Webb wezicishamlilo e-East Sussex, uthe: "Lesi kwaba siyigameko esidabukisayo esaholela ekushoneni komuntu osemusha.

“Esingakusho nje ukuthi siyanxusa ukuba abantu badlalele kude namawa. Ngosuku olwandulela lesi sigameko kwawa inguzunga yembokodo kuyona leya ndawo, ngakho la mawa awazinzile.”

Yize zikhona izimpawu zokuthi la mawa awazinzile, abantu abazinaki.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.