Uphrojusa weMuvhango uthi akabadingi abangenazo iziqu zokulingisa

2018-03-09 16:00

Johannesburg - Uma uhlele ukuyozama inhlanhla yokuba ngomunye wabalingisi bomdlalo wakumabonakude otshengisa ku-SABC2, iMuvhango, ungenazo iziqu kuyokuphoqa ukuba uphinde ucabangisise.

Umqondisi nophrojusa omkhulu walo mdlalo, uDuma Ndlovu uxwayise bonke abalingisi abasafufusa ukuba bangazami uma bengenazo iziqu.

Kamuva nje lo mdlalo usuvaleliswe yidlanzana laba lingisi, okubalwa kubo uSindi Dlathu, uPhindile Gwala noRaphael Griffiths.

Ezinyangeni ezimbalwa ezilandelayo kuzoshiya omunye umlungisi ophinde abe ngumculi, uBrian Themba, odlaa indawo kaRanthumeng Mokoena.

OLUNYE UDABA:Umqondisi wodumo ezinsolweni zokubhidliza uZalo

UDuma utshele iSunday World ukuthi akakholelwa ekutheni abantu abangenazo iziqu ze-Drama (zokulingisa) bangakwazi ukulingisa kahle.

"Kuqabukela ngithatha umuntu ongenazo iziqu zokulingisa ngaphandle uma kuwumuntu osebe kulo mkhakha isikhathi eside," esho.

UNdlovu uqhube ngokuthi umuntu ofuna ukulingisa kumele ahambe aye esikoleni ayokufundela, yingakho kunamanyuvesi.

"Uma ufuna ukuba wudokotela uya esikoleni sodokotela, kanjalo uma ufuna ukuba wummeli uya esikoleni ayofundela ubumeli, njalo njalo," esho.

Kuthiwa lo mdlalo unabalingisi abaningi abakufundele ukulingisa uma kuqhathaniswa neminye imidlalo ekhona ezweni.

"Iningi lentsha elingisa kuMuvhango ifunde ezikoleni ezifana ne-Afda, yiTshwane University of Technology kanye neDurban University of Technology."


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.