Uqhunyiswe ngempama umlandeli weChiefs

2017-08-01 14:08

Durban - Baklolodelane ngamajezi amasha abalandeli beKaizer Chiefs nabe-Orlando Pirates kwagcina kuqhume ulabhabha wempama la makilabhu ebhekene koweCarling Black Label Cup ngoMgqibelo ntambama eFNB Stadium, eGoli.

Lo mdlalo unqotshwe yiChiefs ngo-1-0 wegoli elibhajiswe enethini nguBernard Parker ngomzuzu wesithupha.

IChiefs iyasondelela kwiPirates njengoba isinqobe lo mqhudelwano kathathu kwathi eZimnyama zawunqoba kane.

Kulo mdlalo iChiefs neBucs bebegqoke amajezi abo amasha okuyiwona abazogijima ngawo kule sizini.

Nokho ngaphambi kokuqala komdlalo kusuke uthuthuva abalandeli beBucks bemi ngaphandle kwetekisi abebehamba ngayo kwaqhamuka abalandeli beChiefs abathathu begqoke amajezi amasha ale kilabhu.

OLUNYE UDABA: Liqhakazile ikusasa leChiefs - Komphela

Babuze laba bePirates ukuthi aphi amajezi abo amasha njengoba besafake amadala nje.

Bababuze ukuthi banamahloni yini ngawo njengoba kuyinzilo. Omunye wabalandeli beBucks uphendule ngokuthi sebengaze bachome ngezikhuphashi.

Kusaklolodelwana ngalokho, umlandeli weChiefs wone ngokuthi abize laba beBucs ngezichaka, akabange esaligwinya washo ulabhabha wempama.

Uzamile ukulwa kodwa wazikhuza ngenxa yokuthi abalandeli beBucs bebebaningi kwazise bebegcwele itekisi yohlobo lwe-Quantum.
NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.