USangweni akakafinyeleli ezingeni esilifunayo - Micho

2018-03-26 16:00

Cape Town - Umqeqeshi we-Orlando Pirates uMilutin Sredojevic uveze ukuthi uThamsanqa Sangweni akadlali ngendlela efunekayo kule kilabhu.

Lo mdlali wasesiswini wasayiniswa yilezi zinkunzi zaseSoweto esuka kwiChippa United ngaphambi kokuqala kwesizini, kepha kunzima ukuthola ijezi, njengoba esabonakale emidlalweni emithathu nje vo ye-PSL.

Ngokusho kukaSredojevic, lokhu kungashintsha uma engakhuphula amasokisi.

"Ungomunye wabadlali basesiswini ababanga ijezi," kusho lo mqeqeshi odabuka eSerbia etshela iGoal.com.

OLUNYE UDABA: Inkakha ithi ukufika kukaSangweni kuphendule imithandaza yabaningi

"Uma esedlala ngokwezinga elamukelekile kule kilabhu, uzobe esethola ithuba lokuqala imidlalo.

"Okwamanje, konke kusezandleni zakhe ekutheni alwele indawo yakhe."

IPirates njengamanje ilele endaweni yesibili kwilog ye-PSL, ilandela ngemuva iMamelodi Sundowns, enomdlalo owodwa esandleni, ngephuzu elilodwa.

EzikaMagebhula zizobuyela ejokeni uma sezigadulisana neBloemfontein Celtic ngoLwesithathu, mhlaka-4 Ephreli, e-Orlando Stadium.

Uma uSangweni engabonakali kulo mdlalo, kuyosho ukuthi sekuphele izinyanga ezine engabonakali emidlalweni yekilabhu yeligi.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.