Usenqunyelwe okatiki uKomphela

2017-10-15 18:00

Durban - Unqunyelwe ugwayi katiki umqeqeshi weKaizer Chiefs okuvela ukuthi uphume engeneme emhlanganweni lapho ebezophendula khona ngokungenzi kahle kwekilabhu, kubika ILANGA LAngeSonto.

IChiefs kaziyihambeli kahle izinto selokhu iqale ukuqeqeshwa nguSteve Komphela kumasizini amathathu edlule.

Selokhu ethathe izintambo iChiefs ayikanqobe nkomishi enesithunzi.

Abalandeli bale kilabhu abasamfuni nalapho enyathela khona bathi uKomphela akahambe.

Nokho ushaya phansi ngonyawo uthi akayi ndawo.

Leli phephandaba lithole ukuthi uKomphela ubenomhlangano nabaphathi beChiefs lapho ebezochaza khona ukuthi kungani le kilabhu ingenzi kahle.

Ube esenikezwa imidlalo emithathu ukuba aguqule izinto kungenjalo izinyawo zizogcwala udaka.

OLUNYE UDABA: UMotsepe uyakholelwa kakhulu kuPitso

Kule midlalo anikwe yona kukhona nemibili abukeka inzima futhi ingenza angafiki kulo wesithathu uma imiphumela ingamphika.

Kowokuqala uzobhekana neMamelodi Sundowns ngalolu Lwesibili ngo-19:30 eLoftus Stadium, ePitoli.

Olandelayo kuzokuba obhekwe ngabomvu womkhaya lapho bezobhekana khona ne-Orlando Pirates ngoMgqibelo ngo-15:30 eFNB Stadium, eSoweto.

Leli phephandaba lishayele uBobby Motaung oyimenenja jikelele yeChiefs ngalolu daba, wathi: “Imihlangano ebanjwa yikilabhu ngeyangaphakathi, ngeke sikwazi ukunekela izwe ngazo zonke izinqumo ezithathwa emihlanganweni.

“Into emqoka njengamanje wukuthi ikilabhu inqobe imidlalo, yilokho esikulwelayo. Sibambisene ukuze silwe nalesi simo esingesihle esiphatha kabi abalandeli bethu,” kusho uMotaung.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic

Jobs in Cape Town [change area]

Jobs in Western Cape region

Data Analyst

Cape Town
Tumaini Consulting
R540 000.00 - R800 000.00 Per Year

Visual Merchandiser

Cape Town
Forever New South Africa
R6 000.00 - R7 000.00 Per Month

Architect

Cape Town
Mass Staffing Projects
R400 000.00 - R600 000.00 Per Year

Property [change area]

There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.