Usephinde waqubula umsindo futhi umfundisi uNala

2017-10-04 19:32

Durban - Umfundisi waseThekwini ozibisa ngeNkosi uNala, uDkt Hamilton Nala, weNala Mandate International, usequbule imvunge kulandela ukuvela kumabonakude ethi uyakwazi ukwelapha ubutabane ne-HIV.

Lo msindo uqubuke ngemuva kwesiqephu seCheck Point ngoLwesibili ebusuku, kwachazwa ezinkundleni zokuxhumana, kubika iDrum.

Abantu bazwakalise ukunengeka kwabo ngabefundisi mbumbulu abazicebisa ngokusebenzisa inkolo yobuKrestu.

“Uzibiza ngeNkosi uNala, ngiyazwelana kakhulu nabantu bakithi "abakholelwa" kula befundisi bamanga. Nkulunkulu benze babone ukukhanya," kubhala u-@Karabo_Mokgoko kuTwitter.

“Unabalandeli abacela ku-30 000. Amanzi angcwele abiza u-R40... okusho ukuthi u-40×30 000 kwenza u-R 1 200 000... okusho ukuthi lo muntu wenza isigidi ngamanzi aphuma empompini!” kubabaza u-@lucky33samuels.

OLUNYE UDABA: Ugxekwa ‘ngokudukisa’ abafundi umfundisi uNala ngamapeni athandazelwe

Kulesi siqephu sangoLwesibili, kuvele abesifazane ababili - omunye oseganile futhi osenengane - bethi bafika kuleli sonto behlaselwe 'yidimoni lobutabane' kepha bafike bathola usizo kuNala.

UNala echaza uthe ubutabane bufana nokuzala ingane enemilenze emithathu, wathi njengomzali wenza konke okusemndleni ukuyitholela usizo ukuze ibe njengezinye izingane.

"Ubutabane kusuke kuwumoya othile osuke ungene kumuntu, ngakho udinga ukukhuzwa, uyalwe uze uphume kuye," echaza.

Lo mfundisi akaqali ukuba ngundabamlonyeni njengoba ake avela kwesinye isiqephu sohlelo iCutting Edge wathi sekunabantu abelaphe i-HIV, abangasawadli amaphilisi ngoba abasenaso lesi sifo.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.