Usesitokisini umama wengane eyabonakala ibhema 'insangu' kwi-video, kuFacebook

2018-03-23 18:00

North Carolina - Ukhalelwe ngamasongo kaSigonyela owesifazane oneminyaka engu-20 ubudala eNorth Carolina, eMelika ngoLwesithathu ngemuva kokuzungeza kwe-video etshengisa ingane yakhe ibhema insangu ezinkundleni zokuxhumana.

Kule video eyimzuzwana engu-10, kubonakala umuntu omdala efaka ingane ugwayi emlonyeni, kubika iThe Washingtobn Post. Le ngane ibe isinyakaza ngaphambi kokuwudonsa, iwuphafuza.

Inqwaba yabantu abazwakalisa ukuthukuthela enkundleni yezokuxhumana iFacebook, babikela amaphoyisa ngale video ngoLwesithathu ekuseni bacela ukuba lo mama aboshwe.

OLUNYE UDABA:Usobishini owakhiphela izingane zasenkulisa 'ezihluphayo' ummese

Ukuthi le video isabalale kanjani kuFacebook nokuthi ubani oyifakile, akucaci.

UBrianna Ashanti Lofton uboshwe ngoLwesithathu kanti ingane yona igcinwe endaweni ephephile.

ULofton ubebhekene namacala amabili; elokutholakala nensangu nelokuhlukumeza ingane nakuba kungakacaci ukuthi ingane ngabe ibibhema insangu yini noma cha.

Amaphoyisa aseRaleigh eNorth Carolina abonge amalungu omphakathi ekhasini likaFacebook izolo.

"Siyabonga kakhulu ngosizo lomphakathi. Sibonga ukuzibandakanya kwenu, ingane isendaweni ephephile kanti umama wayo ugcinwe esitokisini," kufundeka umbhalo okuFacebook.

- Facebook:

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.