Ushiye usana owelwe udonga

2017-10-12 11:04

Durban - Uyabalisa umndeni wowesifazane waseMlazi, eningizimu yeTheku, oshone emuva kokudilikelwa wudonga ngoLwesibili esibhedlels iPrince Mshiyeni kulona leli lokishi.

Umndeni kaSizakele Chala, 29, uthi kusenzima ukwamukela ukudlula kwakhe emhlabeni njengoba eshiye ingane enezinsuku ezingu-7 izelwe.

Kubikwa ukuthi umufi ushone, ubeyokwenzela ingane isitifiketi sokuzalwa kanti uzokwehlelwa yilo mshophi esephindela ekhaya.

UMuzi Chala onguyise kamufi, uthi kusebuhlungu okwehlele umndeni wakhe njengoba indodakazi yakhe ishone isizogoduka.

Uthi uyacabanga ukuthi ivinjezelwe yimvula yakhosela kulolu donga kanti yolona oseluzothatha umphefumulo wayo.

Uthe babonga uMdali ngoba umzukulu wakhe-ingane kamufi-isindile, kuyimanje isesibhedlela.

USgwili Mvula wasePort Shepstone, ogwini oluseningizimu yeKwaZulu-Natalkodwa oseMlazi ngokomsebenzi obeseduze kwaChala ngesikhathi sesigameko, uthi akazazi ukuthi usinde kanjani.

Uthi bese kuphelile abekuyele kulesi sibhedlela ngesikhathi kuqala imvula enamandla emvalele wangakwazi ukuhamba. Uthi uncike odindeni olukulesi sibhedlela ngenhloso yokukhosela yena nabesifazane ababili (abashonile).

Izolo ongqongqoshe beminyango ehlukene bahambele izibhedlela nezindawo ezikhahlanyezwe yilesi siphepho ukubheka umonakalo owenzekile.

Baqale eKing Edward, okungesinye salezo eziphazamisekile ngoLwesibili njengoba lapho kulindelwa khona amafayela kugcwale amanzi kwaphoqa ukuba abantu balinde phandle.

UNgqongqoshe wezeMpilo KwaZulu-Natala. uDkt Sibongiseni Dhlomo, uthe zikhona izihlelo zokulungiswa kwalesi sibhedlela njengoba sesisidala kakhulu, yize ethe ngeke sibe seqopheleni eliphezulu ngoba kunezinhlelo zokuba sakhiwe kabushaeCato Manor, eningizimu yeTheku.

Uthi bazosilungisa kuqhubeke ukusebenza. UNgqongqoshe wezokuThuthukiswa koMphakathi KwaZulu-Natal, uWeziwe Thusi, ugxeke abasabalalisa izithombe ezingamanga ezinkundleni zokuxhumana.

Uthi izikole ezikhahlamezekile KwaZulu-Natal zingu-42.

IMeya yeTheku uZandile Gumede, ithe kunesamba semali esibekiwe, esibhekele ukunwetshwa kwamapayipi ahambisa amanzi ukuzama ukugwema lokhu.

 - ILANGA

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.