Uthi waqolwa usomabhizinisi wendawo owawina iLotto

2017-02-11 12:02

kwaNdengezi - UTemba Dembo, 55, wakwaNdengezi usola usomabhizinisi wendawo ngokumqola ithikithi lakhe leLotto.

UDembo usola uSbu Ngubane ngokumqola njengoba esevele wagwilika kulandela ukumthathela ithikithi lakhe.

Lo mlisa oseze washaywa yisifo sohlangothi ngenxa yokukhathazeka njalo uma ecabanga ngo-R5 million wakhe awuwina.

UDembo uthi ukukhumbula kahle okwenzeka ngonyaka ka-2008 ngesikhathi ethenga ithikithi lakhe esitolo esasibizwa nge-Checkout kwaMamdekazi eMariannhill ngoMgqibelo, kwathi ngeSonto iphephandaba laveza ukuthi ngempela izinombolo zakhe ziwinile.

Lo mlisa uthi ngemuva kokuthi yena, umndeni wakhe kanye nabangani baqinisekise ukuthi ithikithi lakhe ilona ngempela eliwinile, walinikeza uNgubane ukuze amcushise ukuthi kumele ayithole kanjani imali yakhe.

Uthi lokhu kwaba wukuqala kwezinsizi zakhe njengoba esola uNgubane ngokumxhopha ngoba ethi wabuya esemtshela ukuthi akawinanga.

“Ithikithi lami ngalikhombisa abantu abaningi ngoba ngangijabule kakhulu ngase ngilinika uNgubane owathembisa ukuthi uzongihambisela eminyangweni efanele. Wabuya esethi kuthiwe aziphumanga izinombolo zami,”kusho uDembo.

OLUNYE UDABA:Namanje akakangcwatshwa owawina iLotto e-KZN

Lo baba wezwe sekuthiwa uNgubane usethenge amatekisi namabhasi wavusa nezitolo nokwamenza wasola ukuthi konke lokhu ukuthenge ngemali yakhe.

Omunye womakhelwane ocele abeSolezwe bangalidaluli igama lakhe uthi naye wazibonele ngawakhe ithikithi likaDimbo uthi uyafisa oKlebe namaphoyisa benze ubuntu balulungise loludaba esaphila uDembo.

Ngesikhathi leli phephandaba lixhumana noNgubane, uthe uyafisa igamalakhe ligezeke ngoba usedume kabi endaweni.

“Angiyazi lento iqhamukabi ngoba ngambuza nalo baba waphika. Kukhona abantu abangofakazi bami ngiyafisa luphenywe lolu daba ukuze kugezeke igama lami,”kusho yena.

Unkosikazi kaNgubani u-Ethel Ngubane uthe umyeni wakhe ungumuntu onesihluku futhi ongenza noma yini ukuthola imali kanye nodumo.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.