Boston – Amaphoyisa asazama ukuthola ukuthi unyenye kanjani
umfana, 8, engabonwa muntu ekhempini esebhishi eliseBoston eMelika, watholakala
eseshonile.
Isidumbu salo mfana sitholakale ngemuva kwamahora ayisihlanu
sintanta emanzini.
"Yilena ke into ebuhlungu ngomsebenzi wami, ukubhekana
nezigameko zokushona kwabantu ngale ndlela,” kusho uKhomishana wamaPhoyisa aseBoston
uWilliam Evans etshela izintatheli.
OLUNYE UDABA: Utholakale eseshonile oginqwe yiveni
UKyzr Willis wagcina ukubonakala ngabo-14:00 ngoLwesibili
ngaseL Street Bathhouse, eCarson Beach, isidumbu sakhe satholakala ngabo-19:00.
Lo mfanyana ubehambele ikhempu yasemini eCurley Community
Centre.
