Uvelile umlimi owagandaya ngeveni owe-EFF eN Cape

2018-04-25 19:20

Johannesburg - Uvelile enkantolo namuhla (ngoLwesithathu) umlimi ngecala lokuzama ukubulala ngezinsolo zokugandaya ngeveni ilungu le-EFF elalibalekela amaphoyisa ngesikhathi kubhikishelwa izidingo zomphakathi.

UShimmy Mosienyane, oyisekela likanobhala jikelele we-EFF ku-Ward 5 eHartswater eNorthern Cape, akasenayo imizwa onyaweni kulandela lesi sigameko, kanti uzoya kohlizwa ngoLwesine.

UFrances Thulo, unobhala jikelele wenhlangano kumasipala waseFrances Baard eKimberley, uthe ngoLwesithathu uMosienyane nomunye umuntu babezama ukubalekela amaphoyisa ayedubula ngezinhlamvu zenjoloba ngesikhathi kuqhubeka umbhikisho eHartswater ngoLwesihlanu olwedlule.

OLUNYE UDABA: Ibizwe ngekhafula intombazane, 13, ishaywa eKapa

"Ngesikhathi amaphoyisa efika, iqulu lahlakazeka. Amaphoyisa ayejikijela ababhikishi ngama-stun grenade ephinde edubula ngezinhlamvu zenjoloba," esho.

Laba bobabili babalekela epulazini, lapho okusolakala khona ukuthi batshelwa ukuthi bangene ngokungemthetho endaweni yomuntu.

"Ngesikhathi sebejika babona iveni liqonde ngqo kubona. Iveni yamushayisa, umlimi wabe esemthuka embiza ngegama eliqala ngohlamvu u-k," esho.

"UShimmy uthi wayengazizwa izinyawo zakhe engakwazi nokusukuma. Owayehamba noShimmy washayela i-ambulensi," kusho uThulo.

UMosienyane wangeniswa esibhedlela eKimberley.

"Uzohlinzwa, ulimale kabi umgogodla," kusho uThulo.

Okhulumela amaphoyisa uCaptain Sergio Kock uqinisekise ukuthi umsolwa, 63, owaziwa ngelikaPetrus van Niekerk, uzinikele emaphoyiseni eHartswater ngoMsombuluko wathweswa icala lokuzala ukubulala.

"Umsolwa uvelile eNkantolo yeMantshi yaseHartswater ngoLwesithathu icala lahlehliselwa uLwesine eseyofaka isicelo sebheyili.

"Umsolwa ugcinwe esitokisini. Uphenyo luyaqhubeka," kusho uKock.

 - TimesLive

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.