Uyakhala umndeni wowesilisa 'oshaywe ngamaphoyisa' eNewlands

2018-03-15 16:00

eThekwini - Izinyembezi zigcwala amehlo entombazaneni ezibonele ngawayo ngesikhathi iphoyisa lithela ngenduku ubaba wayo, kujame umqondo ivukwe yisilokozane uma ichaza ngesihluku esenziwe kubaba wayo emini kubuka wonke umuntu.

UThandiwe Makhanya, 25, kanye nomndeni bafuna ubulungiswa ngephoyisa elitalabhe ubaba wakhe, laze lamphusha wawela emseleni wadabuka ikhanda.

UMakhanya uthi kunzima nokuthi akhulume nobaba wakhe njengoba umqondo usujamile emuva kwalesi sigamako esishiye umphakathi waseNewlands West, eWestrich, ukhungathekile.

Le ndodakazi kaChristopher Hlongwa oneminyaka engu-48 ubudala, ithi bekwenziwe umcimbi wesintu ekhaya kubo ngempelasonto kanti lesi sigameko senzeke ngoMsombuluko lapho abantu bebezolanda izigqoko.

“Ubaba ubehleli nabangani bakhe kuphuzwa njengoba bekunomsebenzi lapha ekhaya, babe sebedlalisana nomunye wabangani bakhe ube esethatha ubhushu kwezinye zezisebenzi zikamasipala ebezisebenza emgwaqeni.

"Lo mngani wakhe yena ubephethe ummese, kuthe kusenjalo kwaqhamuka amaphoyisa. Kwehle elinye iphoyisa lathatha ubhushu kwehla nebelishayela imoto. Ubaba wone ngokuthi awathuke ngabe sengimxolisela, angitshela ukuthi angimthathe ngimfake endlini njengoba ubedakiwe,” kulandisa indodakazi ebikhala mi izinyembezi.

OLUNYE UDABA:Kugwilize umfundi ebhukuda nabangani emfuleni eThekwini

UMkahanya uqhube wathi inkinga iqale ngesikhathi ubaba wakhe eseyoshaya ibhonethi yemoto yamaphoyisa ebehamba ngayo sakudlala, wabe uzithintele eziqandini. Iphoyisa libe selimtitinya ngenduku. Uthi enye ingalo kababa wakhe kayisebenzi kahle, futhi unensimbi onyaweni.

“Liphume liqhasha njengenhlavu iphoyisa ebelishayela imoto, lamthela induku isikhathi eside, lathi lisuka lapho lamphushela emseleni we-drive way engenela ekhaya. Kuke kwajama ingqondo ubaba ngimbona enganyakazi, ngibe sengiya kuyena ngifuna ukumqukula ngimkhiphe emseleleni.

“Kube wumzukuzuku njengoba ubefana nomuntu ofile enganyakazi kwakunyakaza, angikwazanga ukubamba izinyembezi sengibona igazi ligcwele ubuso, enengozi ekhanda kuphume inyama emhlophe. Kulowo mzuzu amaphoyisa ebesekade ehambile njengoba eshaye ithayi abaleka,” kusho indodakazi.

Omunye ozibonele kwenzeka lesi sigameko obengaphakathi emagcekeni njengoba bekulandwe izigqoko onqabile negama lakhe, uthe indlela okwenzeke ngayo ibathusile. Ufanise la maphoyisa nabantu abanonya ngendlela abamhlukumeze ngayo uHlongwa. 

“Ngikutshela ukuthi sonke ebesizolanda izigqoko kulo muzi sisale sikhungathekile, yazi kube nzima ngisho ukuqhubeka nezidlo ebezixhaphakile. Ubaba lo (uHlongwa) simhlonipha kakhulu kule ndawo, kodwa sidumele ngendlela amaphoyisa enze ngayo," kusho lesi sakhamuzi. 

Okhulumela amaphoyisa aKwaZulu Natal uColonel Thembeka Mbhele uthi kumele ubaba ayovula icala, ukuze bezokwazi ukuphenya lolu daba.

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts

Jobs in Cape Town [change area]

Jobs in Western Cape region

Reporting Accountant

Cape Town
Network Finance Professional / Prudential
R310 000.00 - R360 000.00 Per Year

Cluster Financial Manager

Cape Town
Network Finance
R950 000.00 - R1 000 000.00 Per Year

HSE Manager

Cape Town
Tumaini Consulting
R550 000.00 - R650 000.00 Per Year

Property [change area]

There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.