Uyaqhubeka umdonsiswano womsunguli ka-‘Please Call Me’ noVodacom

2017-01-30 13:00

Johannesburg – Namanje awukapheli umdonsiswano phakathi kwesikhondlakhondla senkampani yomakhal ‘ekhukhwini, uVodacom, kanye nomsunguli we-‘Please Call Me’, uKenneth Makate.

UVodacom uthi uzibophezele ezingxoxweni noMakate, ngemuva kokuthi le nkampani ifake amaphepha asenkantolo ngesonto eledlule.

Le nkampani ifake isitatimende esifungelwe eNkantolo yoMthethosisekelo nalapho ibiphendula khona ngesicelo sakamuva sasenkantolo esifakwe uMakate.

OLUNYE UDABA: Owe-EFF ukhwele wadilika ku-Vodacom ngokubiza kwama-data

Le nkantolo enkulu kunazo zonke ezweni yanquma ukuthi uVodacom akhokhele uMakate ngomqondo wakhe wokusungula uPlease Call Me.

UMakate  wayengumsebenzi wakwaVodacom kanti wavunywa yiNkantolo yoMthethosisekelo njengomnikazi womqondo wePlease Call Me ngonyaka ka-2001.

Lolu hlelo lukaPlease Call Me luvumela amakhasimende angenamali emafonini ukuba athumele umyalezo mahhala wokucela ukuba afonelwe.

Ukunqoba kukaMakate eNkantolo yoMthethosisekelo kwafika ngemuva kweminyaka eminingi elwisana nalesi sikhondlakhondla senkampani enkantolo ngalolu daba.

Umyalelo wasenkantolo wayalela zombili izinkantolo ukuba zixoxisane ngemali efanelekile okumele ikhokhelwe uMakate.

Kodwa-ke izingxoxo zafika kwangqingetshe nokwaholela ekutheni lolu daba luphinde lubuyele enkantolo. 

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.